11 April 2022 TELUGU Murli Today | Brahma Kumaris

ఓంశాంతి. ప్రదర్శినీ కొరకు ఈ పాట చాలా బాగుంది. ప్రదర్శినీలో రికార్డు వేయకూడదని ఏమీ లేదు. దీనిపై కూడా మీరు అర్థం చేయించగలరు ఎందుకంటే అందరూ పిలుస్తూనే ఉంటారు. కానీ ఎక్కడికి వెళ్ళాలి మరియు ఎవరు తీసుకెళ్తారు అన్నది తెలియదు. ఎలాగైతే డ్రామాకు లేక విధికి వశమై భక్తులు భక్తి చేయాల్సి ఉంటుంది. ఎప్పుడైతే భక్తి పూర్తవుతుందో, అప్పుడే తండ్రి వస్తారు. ఎంతగా ప్రతి ముంగిట భ్రమిస్తూ ఉంటారు. ఉత్సవాలు-తిరునాళ్ళు మొదలైనవి జరుగుతాయి. దిన ప్రతి దినం వృద్ధి పొందుతూ ఉంటాయి. శ్రద్ధతో తీర్థ యాత్రలకు వెళ్ళడము, భ్రమించడం కొనసాగుతూనే ఉంటుంది. చాలా సమయం గడచిపోయినా గవర్నమెంట్, స్టాంపులు మొదలైనవి తయారుచేస్తూనే ఉంటుంది. సాధువులు మొదలైనవారి స్టాంపులను కూడా తయారుచేస్తారు. జన్మదినాన్ని జరుపుతారు. ఇదంతా రావణ రాజ్యము అనగా మాయ యొక్క ఆడంబరము. వారి ఉత్సవాలు-తిరునాళ్ళు కూడా జరగాల్సిందే. అర్ధకల్పం నుండి మీరు రావణ రాజ్యంలో భ్రమిస్తూ ఉన్నారు. ఇప్పుడు బాబా వచ్చి రావణ రాజ్యం నుండి విడిపించి రామ రాజ్యంలోకి తీసుకెళ్తారు. మీరే పూజ్యులు, మీరే పూజారులు అనే మహిమ ఎవరిదో ప్రపంచానికి తెలియదు. మొదట 16 కళల సంపూర్ణులుగా, పూజ్యులుగా ఉంటారు. తర్వాత రెండు కళలు తగ్గిపోతాయి, అప్పుడు వారిని సెమీ (సగము) అని అంటారు. ఫుల్ (పూర్తి) పూజ్యులు, తర్వాత రెండు కళలు తగ్గిపోవడంతో సెమీ పూజ్యులు అని పిలవబడతారు. పూజారుల నుండి మళ్ళీ పూజ్యులుగా అవుతున్నారని మీకు తెలుసు, తర్వాత సెమీ పూజ్యులుగా అవుతారు. ఇప్పుడు ఈ కలియుగం యొక్క అంతిమంలో మన పూజారీ పాత్ర సమాప్తమవుతుంది. పూజ్యులుగా చేసేందుకు బాబా రావలసి ఉంటుంది. ఇప్పుడు బాబా విశ్వానికి యజమానులుగా తయారుచేస్తారు. ఇది కూడా విశ్వమే, అది కూడా విశ్వమే. అక్కడ మనుష్యులు చాలా కొద్దిమంది ఉంటారు. ఒకే ధర్మముంటుంది. అనేక ధర్మాలు ఉండడం వలన కూడా హంగామా జరుగుతుంది.

ఇప్పుడు బాబా వచ్చారు యోగ్యులుగా తయారుచేయడానికి. ఎంతగా బాబాను స్మృతి చేస్తారో, అంతగా తమ కళ్యాణం కూడా చేసుకుంటారు. కళ్యాణం చేయాలనే అభిరుచి ఎంతగా ఉంటుందో చూసుకోవాలి. ఎలాగైతే ఆర్టిస్టుకు, ఈ-ఈ విధంగా చిత్రాలను తయారుచేయాలి, మనుష్యులు మంచి రీతిలో అర్థం చేసుకోవాలి అని ఆలోచన ఉంటుంది. మేము అనంతమైన తండ్రి సేవ చేస్తున్నామని భావిస్తారు. భారత్ ను స్వర్గంగా తయారుచేయాలి. ప్రదర్శినీలో చూడండి, చాలామంది వస్తారు. కావున ప్రదర్శినీకి ఎటువంటి చిత్రాలను తయారుచేయాలంటే, ఎవరైనా కూడా, ఈ చిత్రాలు ఖచ్ఛితమైన మార్గాన్ని చూపించేవిగా ఉన్నాయని అర్థం చేసుకోవాలి. ఉత్సవాలు-తిరునాళ్ళు మొదలైనవి ఏవైతే ఉన్నాయో, అవైతే వీటి ముందు ఏమీ కావు. ఆర్టిస్టులు ఎవరైతే ఈ జ్ఞానాన్ని అర్థం చేసుకుంటారో, వారికి – చాలామందికి కళ్యాణం జరగడానికి ఇటువంటి చిత్రాలను తయారుచేయాలి అని వారి బుద్ధిలో ఉంటుంది. రాత్రింబవళ్ళు బుద్ధి ఈ విషయంలోనే నిమగ్నమై ఉండాలి. ఈ విషయాలపై ఎంతో అభిరుచి ఉంటుంది. మృత్యువు అయితే అకస్మాత్తుగా వస్తుంది. ఒకవేళ చెప్పులు మొదలైనవాటి స్మృతిలో ఉంటే, ఆ సమయంలో మృత్యువు వస్తే, అప్పుడు చెప్పుల సమానమైన జన్మ లభిస్తుంది. ఇక్కడైతే దేహ సహితంగా అన్నింటినీ మర్చిపోండి అని తండ్రి అంటారు. తండ్రి ఎవరు అన్నది కూడా మీరు అర్థం చేసుకుంటారు. ఆత్మల తండ్రి గురించి తెలుసా అని ఎవరినైనా అడగండి, తెలియదు అని వారంటారు. ఎంతగా స్మృతి చేస్తారు, యాచిస్తూ ఉంటారు. దేవీల వద్దకు కూడా వెళ్ళి యాచిస్తూ ఉంటారు. దేవీ యొక్క పూజ చేసారు, ఏదైనా కొద్దిగా లభించింది అంటే, అంతే, ఇక వారిపై బలిహారమైపోతారు. మళ్ళీ పూజారిని కూడా పట్టుకుంటారు, అతను కూడా ఆశీర్వాదాలు మొదలైనవి ఇస్తారు. ఎంతటి అంధ విశ్వాసము. కావున ఇటువంటి పాటలపై ప్రదర్శినీలో కూడా అర్థం చేయించవచ్చు. ఈ ప్రదర్శనీ అయితే గ్రామ-గ్రామాలకు వెళ్తుంది. తండ్రి పేదల పెన్నిధి. వారిని చాలా బాగా పైకి తీసుకురావాలి. షావుకార్లు అయితే కోట్లలో కొందరే వెలువడుతారు. ప్రజలైతే చాలామంది ఉన్నారు. ఇక్కడైతే మనుష్యుల నుండి దేవతలుగా అవ్వాలి. తండ్రి నుండి వారసత్వం లభిస్తుంది. మొట్టమొదట అయితే తండ్రిని తెలుసుకోవాలి – వారు మనల్ని చదివిస్తున్నారు అని. ఈ సమయంలో మనుష్యులు ఎంత రాతిబుద్ధి కలవారిగా ఉన్నారు. సెంటర్లకు ఇంతమంది రావడం చూస్తారు కూడా, అందరికీ నిశ్చయముందా! తండ్రి, టీచర్, సద్గురువు ఉన్నారు, ఇది కూడా అర్థం చేసుకోరు.

మరొక పాట కూడా ఉంది – ఈ పాపపు ప్రపంచం నుండి… ఇది కూడా బాగుంది, ఇదైతే పాపపు ప్రపంచము. భగవానువాచ – ఇది ఆసురీ సంప్రదాయము, నేను దీనిని దైవీ సంప్రదాయంగా చేస్తాను. మరి మనుష్యుల కమిటీలు మొదలైనవి ఈ కార్యాన్ని ఎలా చేయగలవు. ఇక్కడైతే విషయమంతా బుద్ధికి సంబంధించినది. భగవంతుడు అంటారు – మీరు పతితులు, మిమ్మల్ని భవిష్యత్తు కోసం పావనమైన దేవతగా చేస్తాను. ఈ సమయంలో అందరూ పతితులు. పతితము అన్న పదం వికారాలకు సంబంధించినది. సత్యయుగంలో నిర్వికారీ ప్రపంచం ఉండేది. ఇది వికారీ ప్రపంచము. కృష్ణుడికి 16,108 మంది రాణులను చూపించారు. ఇది కూడా డ్రామాలో నిశ్చితమై ఉంది. ఏవైతే శాస్త్రాలు తయారుచేయబడ్డాయో, వాటిలో నింద చేసారు. బాబా, ఎవరైతే స్వర్గాన్ని తయారుచేస్తారో, వారి కోసం కూడా ఏమేమో చెప్తారు. ఇప్పుడు మీకు తెలుసు, బాబా మనల్ని ఎంత ఉన్నతంగా తయారుచేస్తారు, ఎంత మంచి శిక్షణనిస్తారు. ఇది సత్యాతి-సత్యమైన సత్సంగము. మిగిలినవన్నీ అసత్యపు సాంగత్యాలు. మళ్ళీ పరమపిత పరమాత్మ వచ్చి ఇటువంటివారిని విశ్వానికి యజమానులుగా తయారుచేస్తారు. తండ్రి అర్థం చేయిస్తారు – పిల్లలూ, మీరిప్పుడు అంధులకు చేతికర్రగా అవ్వాలి. ఎవరైతే స్వయం అంధులుగా ఉన్నారో, వారు మళ్ళీ ఇతరులకు చేతికర్రగా ఎలా అవుతారు! జ్ఞానం యొక్క వినాశనమైతే జరగదు. ఒక్కసారి తల్లి-తండ్రి అన్నారంటే ఎంతో కొంత లభించాలి. కానీ నంబరువారు పదవులైతే ఉన్నాయి కదా. నడవడిక ద్వారా కూడా కొంత తెలిసిపోతుంది. అయినా పురుషార్థం చేయించడం జరుగుతుంది. ఏది లభిస్తే అది సరిపోతుంది అని కాదు. పురుషార్థంతో ఉన్నతమైన ప్రారబ్ధం లభిస్తుంది. పురుషార్థం లేకుండా నీరు కూడా లభించదు. దీనిని కర్మక్షేత్రం అని అనడం జరుగుతుంది, ఇక్కడ కర్మ లేకుండా మనుష్యులు ఉండలేరు. కర్మ సన్యాసం అన్న పదమే తప్పు. చాలా హఠం చేస్తారు. నీటిపై, అగ్నిపై నడవడం నేర్చుకుంటారు. కానీ ఉపయోగమేముంది? అనవసరంగా ఆయుష్షును పోగొట్టుకుంటారు. రావణుడి దుఃఖం నుండి విడుదలయ్యేందుకు భక్తి చేయడం జరుగుతుంది. విడుదలై మళ్ళీ తిరిగి వెళ్ళాలి, అందుకే, మనం ముక్తిధామానికి వెళ్ళాలి లేక సుఖధామానికి వెళ్ళాలని అందరూ గుర్తు చేస్తారు. రెండూ గతించిపోయాయి. భారత్ సుఖధామంగా ఉండేది, ఇప్పుడు నరకంగా ఉంది, కావున నరకవాసులు అని అంటారు కదా. ఫలానావారు స్వర్గస్థులయ్యారని స్వయం మీరే అంటారు. అచ్ఛా, మీరైతే నరకంలో ఉన్నారనే కదా. స్వర్గానికి వ్యతిరేకము నరకము. ఇక అదైతే శాంతిధామము. పెద్ద-పెద్దవారు ఇది కూడా అర్థం చేసుకోరు. తమకు తామే, మేము నరకంలో ఉన్నామని నిరూపించుకుంటారు. చాలా యుక్తిగా నిరూపించి చెప్పాలి. ఈ ప్రదర్శనీ అయితే చాలా పని చేసి చూపిస్తుంది. ఈ సమయంలో మనుష్యులు ఎన్ని పాపాలు చేస్తున్నారు. స్వర్గంలో ఇటువంటి విషయాలు ఉండవు. అక్కడైతే ప్రారబ్ధం ఉంటుంది. మీరు మళ్ళీ ఇప్పుడు స్వర్గంలోకి వెళ్తారు, మీరంటారు, అనేక సార్లు మేము విశ్వానికి యజమానులుగా అయ్యాము, ఇప్పుడు మళ్ళీ అవుతున్నాము. ప్రపంచంలో ఎవ్వరికీ తెలియదు. మీలో కూడా కొంతమందే అర్థం చేసుకుంటారు. ఈ ఆట నుండి ఎవ్వరూ విడుదల అవ్వలేరు. ఎప్పుడైతే దుఃఖితులుగా అవుతారో, మోక్షం కూడా, మనుష్యులు అప్పుడే కోరుకుంటారు. బాబా అయితే అంటారు – మంచి రీతిలో పురుషార్థం చేయండి, తల్లిదండ్రులను ఫాలో చేసి మంచి పదవిని పొందండి, తమ నడవడికను సరిదిద్దుకోండి. తండ్రి అయితే మార్గాన్ని తెలియజేస్తారు, మరి దానిపై ఎందుకు నడుచుకోరు. కోరికలు ఎక్కువగా ఉంచుకోకూడదు. యజ్ఞం నుండి ఏది లభిస్తే అది తినాలి. లోభం ఉన్నా, కర్మేంద్రియాలు వశంలో లేకపోయినా, పదవి కూడా ఉన్నతమైనది పొందలేరు. కనుక ఇటువంటి పాటలు ప్రదర్శినీలో వినిపించి, వాటిపై మీరు అర్థం చేయించవచ్చు.

మీరు శివబాబా పరివారము. శివబాబా కంటే పైన అయితే ఎవ్వరూ లేరు. మిగిలిన వారందరి పైన ఎవరో ఒకరు ఉంటారు. 84 జన్మలలో తాతలు, తండ్రులు కూడా 84 మంది లభిస్తారు. శివబాబా రచయిత, ఇప్పుడు కొత్త రచనను రచిస్తున్నారు అనగా పాతదానిని కొత్తదిగా చేస్తారు. మనం నల్లగా ఉన్నవారి నుండి తెల్లగా అవుతామని మీకు తెలుసు. స్వర్గంలో శ్రీకృష్ణుడు నంబరువన్, తర్వాత లాస్ట్ లో వారి జన్మ ఉంటుంది. మళ్ళీ వారే మొదటి నంబరువారిగా అవుతారు. పూర్తి-పూర్తి 84 జన్మలు శ్రీకృష్ణుడే తీసుకున్నారు. సూర్యవంశీ దైవీ సంప్రదాయం వారు పూర్తి 84 జన్మలు తీసుకున్నారు. తండ్రి అంటారు, శ్రీకృష్ణుడు ఎవరైతే మొదటి నంబరులో ఉండేవారో, వారి అంతిమ జన్మలో ప్రవేశించి మళ్ళీ వారినే శ్రీకృష్ణునిగా తయారుచేస్తాను. అచ్ఛా.

మధురాతి-మధురమైన సికీలధే పిల్లలకు మాత-పిత, బాప్ దాదాల ప్రియస్మృతులు మరియు గుడ్ మార్నింగ్. ఆత్మిక పిల్లలకు ఆత్మిక తండ్రి నమస్తే.