18 April 2021 Malayalam Murli Today – Brahma Kumaris

ഇന്ന് ബാപ്ദാദ തന്റെ സദാ കൂടെയിരിക്കുന്ന, സദാ സഹയോഗിയായി, സേവനത്തില് സാഥിയായി (കൂടെയിരുന്നുകൊണ്ട്) സേവനം ചെയ്യുന്ന, തിരികെ കൂടെ പോകുന്ന ശ്രേഷ്ഠ കുട്ടികളെ കണ്ട് ഹര്ഷിതമായി കൊണ്ടിരിക്കുകയായിരുന്നു. കൂടെ വസിക്കുന്നവര് അര്ത്ഥം സഹജമായ സ്വതവേ യോഗീ ആത്മാക്കള്. സദാ സേവനത്തില് സഹയോഗി സാഥിയായി(കൂടെ) മുന്നോട്ട് പോകുന്ന അര്ത്ഥം ജ്ഞാനിതൂ ആത്മാക്കള്, സത്യമായ സേവാധാരി. കൂടെ പോകുന്ന അര്ത്ഥം സമാനവും സമ്പന്നവുമായ കര്മ്മാതീത ആത്മാക്കള്. ബാപ്ദാദാ സര്വ്വ കുട്ടികളിലും ഈ മൂന്ന് വിശേഷതകളെ കണ്ടു കൊണ്ടിരിക്കുകയായിരുന്നു- മൂന്ന് കാര്യങ്ങളിലും എത്രത്തോളം സമ്പൂര്ണ്ണമായി? സംഗമയുഗത്തിലെ ശ്രേഷ്ഠ ബ്രാഹ്മണ ജീവിതത്തിന്റെ വിശേഷതകള് ഇത് മൂന്നും ആവശ്യമാണ്. യോഗി ആത്മാവ്, ജ്ഞാനി ആത്മാവ്, ബാബയ്ക്ക് സമാനമായ കര്മ്മാതീതമായ ആത്മാവ്- ഈ മൂന്നിലും വച്ച് ഏതെങ്കിലും വിശേഷതയുടെ കുറവുണ്ടെങ്കില് ബ്രാഹ്മണ ജീവിതത്തിന്റെ വിശേഷതകളുടെ അനുഭവിയാകാതിരിക്കുക അര്ത്ഥം സമ്പൂര്ണ്ണ ബ്രാഹ്മണ ജീവിതത്തിന്റെ സുഖം അഥവാ പ്രാപ്തികളില് നിന്നും വഞ്ചിക്കപ്പെടുക കാരണം ബാപ്ദാദ സര്വ്വ കുട്ടികള്ക്കും സമ്പൂര്ണ്ണമായ വരദാനം നല്കുന്നു. അല്ലാതെ യഥാശക്തി യോഗി ഭവ അഥവാ ജ്ഞാനി ആത്മാ ഭവ ..ഇങ്ങനെയുളള വരദാനമല്ല നല്കുന്നത്. അതോടൊപ്പം മുഴുവന് കല്പത്തിലും വിശേഷപ്പെട്ട സമയം സംഗമയുഗമാണ്, ഈ യുഗം അര്ത്ഥം സമയത്തെയും വരദാനി സമയമെന്നാണ് പറയുന്നത് കാരണം വരദാതാവായ ബാബ വരദാനം നല്കാന് ഈ സമയത്ത് തന്നെയാണ് വരുന്നത്. വരദാതാവ് വരുന്നത് കാരണം സമയവും വരദാനിയായി. ഈ സമയത്തിനുള്ള വരദാനാമണ് ഇത്. സര്വ്വ പ്രാപ്തികളിലും സമ്പൂര്ണ്ണ പ്രാപ്തികളുടെ സമയമിതാണ്. സമ്പൂര്ണ്ണ സ്ഥിതി പ്രാപ്തമാക്കുന്നതിനുള്ള വരദാനി സമയവും ഇതാണ്. മുഴുവന് കല്പത്തില് കര്മ്മത്തിനനുസരിച്ച് പ്രാപ്തി നേടാന് അഥവാ കര്മ്മത്തിനനുസരിച്ച് സ്വതവേ ഫലം പ്രാപ്തമാകുന്നു., എന്നാല് ഈ വരദാനി സമയത്ത് നിങ്ങളുടെ കര്മ്മമാണ് ഒരു ചുവട്, ബാബയിലൂടെ കോടിമടങ്ങ് സഹായം പ്രാപ്തമാകുന്നു. സത്യയുഗത്തില് ഒന്നിന് കോടിമടങ്ങ് പ്രാപ്തമാകുന്നല്ല എന്നാല് ഇപ്പോള് ലഭിച്ചത് പ്രാപ്തിയുടെ രൂപത്തില് അനുഭവിക്കുന്നതിന് അധികാരിയായി മാറുന്നു. കേവലം സമ്പാദിച്ചത് അനുഭവിച്ചു, കഴിച്ചും താഴേക്ക് വരുന്നു. കലകള് കുറഞ്ഞു കൊണ്ടിരിക്കുന്നു. കലകള് കുറഞ്ഞു വരുന്നു. ഒരു യുഗം പൂര്ത്തിയാകുമ്പോള് തന്നെകലയും 16 കലയില് നിന്നും 14 കലയായി മാറുന്നു. എന്നാല് ഏത് സമയത്താണ് സമ്പൂര്ണ്ണ പ്രാപ്തിയെടുത്ത് 16 കലയാകാന് സാധിക്കുന്നത്? ആ പ്രാപ്തിയുടെ സമയമാണ് ഈ സംഗമയുഗം. ഈ സമയത്ത് ബാബ തുറന്ന ഹൃദയത്തോടെ സര്വ്വ പ്രാപ്തികളുടെ ഖജനാവ് വരദാനത്തിന്റെ രൂപത്തില്, സമ്പത്തിന്റെ രൂപത്തില്, പഠിത്തത്തിന്റെ ഫലസ്വരൂരപമായി പ്രാപ്തിയുടെ രൂപത്തില് മൂന്ന് സംബന്ധങ്ങളിലൂടെ മൂന്ന് രൂപത്തിലൂടെ വിശേഷിച്ചും തുറന്ന ഭണ്ഡാരം, നിറഞ്ഞിരിക്കുന്ന ഭണ്ഡാരം കുട്ടികളുടെ മുന്നില് വയ്ക്കുന്നു. എത്ര, ഇത്ര എന്ന കണക്ക് വയ്ക്കുന്നില്ല, ഒന്നിന് കോടിമടങ്ങ് കണക്കാണ് വയ്ക്കുന്നത്. കേവലം സ്വ പുരുഷാര്ത്ഥം ചെയ്തു, പ്രാപ്തി നേടി, ഇങ്ങനെ പറയുന്നില്ല. എന്നാല് ദയാമനസ്കനായി, ദാതാവായി, വിദാതാവായി, സര്വ്വ സംബന്ധിയായി സ്വയം ഓരോ സെക്കന്റും സഹയോഗിയായി മാറുന്നു. ഒരു സെക്കന്റിന്റെ ധൈര്യം അനേക വര്ഷങ്ങള്ക്ക് സമാനം പരിശ്രമത്തിന്റെ സഹായത്തിന്റെ രൂപത്തില് സദാ സഹയോഗിയായി തീരുന്നു കാരണം അനേക ജന്മങ്ങളായി അലയുന്ന ദുര്ബലരായ ആത്മാക്കളാണെന്ന് അറിയാം, ക്ഷീണിച്ചിരിക്കുകയാണ് അതിനാല് അത്രയും സഹയോഗം നല്കുന്നു, സഹയോഗിയായി മാറുന്നു. സ്വയം വാഗ്ദാനം ചെയ്യുന്നു- സര്വ്വ പ്രകാരത്തിലുമുള്ള ഭാരം ബാബയ്ക്ക് നല്കൂ ഭാരം ഏറ്റെടുക്കാം എന്ന വാഗ്ദാനം നല്കുന്നു. ഭാഗ്യവിദാതാവായി നോളേജ്ഫുള് ആയി, ശ്രേഷ്ഠ കര്മ്മത്തിന്റെ ജ്ഞാനം സ്പഷ്ടമായി മനസ്സിലാക്കി കൊടുത്ത് ഭാഗ്യത്തിന്റെ രേഖ വരയ്ക്കുന്നതിനുള്ള പേന നിങ്ങളുടെ കൈകളില് നല്കുന്നു. ഭാഗ്യത്തിന്റെ രേഖ എത്ര നീട്ടി വരയ്ക്കാന് ആഗ്രഹിക്കുന്നുവൊ അത്രയും നീട്ടി വരയ്ക്കൂ. തുറന്നിരിക്കുന്ന സര്വ്വഖജനാക്കളുടെയും താക്കോല് നിങ്ങളുടെ കൈകളില് നല്കി. താക്കോലും എത്ര സഹജമാണ്. മായയുടെ കൊടുങ്കാറ്റ് വരുന്നുണ്ടെങ്കിലും ഛത്രച്ഛായയായി സദാ സുരക്ഷിതമാക്കുന്നു. ഛത്രച്ഛായ ഉള്ളയിടത്ത് കൊടുങ്കാറ്റിന് എന്ത് ചെയ്യാന് സാധിക്കും. സേവാധാരിയുമാക്കുന്നു എന്നാല് അതോടൊപ്പം ബുദ്ധിവാന്മാരുടെയും ബുദ്ധിവാനായി ആത്മാക്കളെ ടച്ചും ചെയ്യുന്നു, അതിലൂടെ പേര് കുട്ടികള്ക്ക് ലഭിക്കുന്നു, ബാബയുടെ കര്ത്തവ്യം സഹജവുമായി തീരുന്നു. ഇത്രയും സ്നേഹത്തോടെ ലാളനയോടെ ഓമനക്കുട്ടികളാക്കി പാലന നല്കുന്നു, സദാ അനേക ഊഞ്ഞാലുകളില് ആട്ടുന്നു. പാദം താഴെ വയ്ക്കുന്നില്ല. ഇട്യ്ക്ക് സന്തോഷത്തിന്റെ ഊഞ്ഞാലില്, ഇടയ്ക്ക് സുഖത്തിന്റെ ഊഞ്ഞാലില്, ഇടയ്ക്ക് ബാബയുടെ മടിത്തട്ടിന്റെ ഊഞ്ഞാലില്, ആനന്ദം, സ്നേഹം, ശാന്തിയുടെ ഊഞ്ഞാലില് ആടിക്കൊണ്ടിരിക്കൂ. ആടുക അര്ത്ഥം ആനന്ദത്തിലിരിക്കുക. ഈ സര്വ്വ പ്രാപ്തികളും ഈ വരദാനി സമയത്തിന്റെ വിശേഷതയാണ്. ഈ സമയത്ത് വരദാതാവ് വിദാതാവായത് കാരണം ബാബയും സര്വ്വ സംബന്ധം നിറവേറ്റുന്നത് കാരണം ബാബ ദയാമനസ്കനാണ്. ഒന്നിന് കോടിമടങ്ങ് നല്കുന്നതിന്റെ വിധിയുള്ളത് ഈ സമയത്തിനാണ്. അന്തിമത്തില് കര്മ്മ കണക്ക് സമാപ്തമാക്കുന്നവര് തന്റെ സാഥിയിലൂടെ കാര്യം ചെയ്യിക്കും. സാഥിയാരാണ് എന്നറിയാമല്ലോ? പിന്നീട് ഈ ഒന്നിന് കോടിമടങ്ങ് ലഭിക്കുന്നതിന്റെ കണക്ക് സമാപ്തമാകും. ഇപ്പോള് ദയാമനസ്കനാണ്, പിന്നീട് കര്മ്മ കണക്ക് ആംഭിക്കും. ഈ സമയത്ത് ബാബ ക്ഷമിക്കുന്നുണ്ട്. കടുത്ത തെറ്റും ക്ഷമിച്ച് സഹയോഗിയായി മുന്നോട്ടുയര്ത്തുന്നു. കേവലം ഹൃദയം കൊണ്ട് തിരിച്ചറിയണം അര്ത്ഥം ക്ഷമിക്കുക. ലോകത്തിലുള്ള മനുഷ്യര് മാപ്പ് ചോദിക്കുന്നുണ്ട്, ഇവിടെ ആ രീതിയിലൂടെ മാപ്പ് നേടരുത്. തിരിച്ചറിയുക എന്ന വിധി തന്നെയാണ് മാപ്പ്. അതിനാല് ഹൃദയം കൊണ്ട് തിരിച്ചറിയുക, മറ്റുള്ളവര് പറയുന്നതിലൂടെ അഥവാ സമയത്ത് നടത്തിക്കുന്നതിന്റെ ലക്ഷ്യത്തിലൂടെ, ഈ മാപ്പ് സമ്മതമല്ല. ചില കുട്ടികള് വളരെ സമര്ത്ഥരാണ്. സാഹചര്യം കണ്ടിട്ട് പറയുന്നു- ഇപ്പോള് തിരിച്ചറിയൂ, ക്ഷമിക്കൂ, ബാക്കി പിന്നീട് കാണാം. എന്നാല് ബാബയും നോളേജ്ഫുള് ആണ്, അറിയുന്നുണ്ട്, പുഞ്ചിരിച്ച് വിടുന്നു പക്ഷെ ക്ഷമ സമ്മതിക്കില്ല. വിധിയിലൂടെയല്ലാതെ സിദ്ധി ലഭിക്കില്ലല്ലോ. വിധി ഒരു ചുവടിന്റേതാണ്, സിദ്ധി കോടി മടങ്ങ് ലഭിക്കുന്നു. എന്നാല് ഒരു ചുവടിന്റെ വിധി യഥാര്ത്ഥമല്ലേ. അതിനാല് ഈ സമയത്തിന്റെ വിശേഷത എത്രയാണ് അഥവാ വരദാനി സമയം എങ്ങനെയുള്ളതാണ്- ഇത് കേള്പ്പിച്ചു.

വരദാനി സമയത്തും വരദാനം എടുക്കുന്നില്ലായെങ്കില് പിന്നെ ഏത് സമയത്ത് എടുക്കും? സമയം സമാപ്തമായി, സമയത്തിനനുസരിച്ച് ഈ സമയത്തിന്റെ വിശേഷതകളും സര്വ്വതും സമാപ്തമാകും അതിനാല് എന്ത് ചെയ്യണമോ, എന്ത് നേടണമോ, എന്ത് ആക്കണമോ അത് ഇപ്പോള് വരദാനത്തിന്റെ രൂപത്തില് ബാബയുടെ സഹായത്തിന്റെ സമയത്ത് ചെയ്യൂ, ഉണ്ടാക്കൂ. പിന്നീട് ഈ ഡയമണ്ഡ് അവസരം ലഭിക്കില്ല. സമയത്തിന്റെ വിശേഷതകള് കേട്ടല്ലോ. സമയത്തിന്റെ വിശേഷതകളുടെ ആദാരത്തില് ബ്രാഹ്മണ ജീവിതത്തിന്റെ 3 വിശേഷകള് കേള്പ്പിച്ചു- ഈ മൂന്നിലും സമ്പൂര്ണ്ണമാകൂ. നിങ്ങളുടെ വിശേഷ സ്ലോഗന് ഇതല്ലേ- യോഗിയാകൂ, പവിത്രമാകൂ. ജ്ഞാനിയാകൂ, കര്മ്മാതീതമാകൂ, കൂടെ പോകുക തന്നെ വേണം അതിനാല് സദാ കൂടെ വസിക്കുന്നവരായി കൂടെ പോകൂ. കൂടെ വസിക്കാത്തവര് എങ്ങനെ കൂടെ പോകും? കൂടെ പോകുന്നതിനായി സമയത്ത് തയ്യാറാകുന്നില്ല കാരണം ബാബയ്ക്ക് സമാനമാകുക അര്ത്ഥം തയ്യാറാകുക. സമാനത തന്നെയാണ് കൈയ്യും കൂട്ട്ക്കെട്ടും. ഇല്ലായെങ്കില് എന്ത് സംഭവിക്കും? മുന്നില് പോകുന്നവരെ കണ്ട് കണ്ട് പിന്നാലെ തന്നെ വന്നു കൊണ്ടിരിക്കുന്നവരെ സാഥിയെന്ന് പറയില്ല. സാഥി കൂടെ പോകുന്നവരായിരിക്കണം. വളരെക്കാലം കൂടെ വസിക്കുക, സാഥിയായി സഹയോഗിയാകുക- ഈ വളരെക്കാലത്തെ സംസ്ക്കാരം തന്നെയാണ് സാഥിയാക്കി കൂടെക്കൊണ്ടു പോകുന്നത്. ഇപ്പോഴും കൂടെ വസിക്കുന്നില്ലായെങ്കില് ഇതിലൂടെ മനസ്സിലാക്കാം ദൂരെയാണ് വസിക്കുന്നതെന്ന്. അതിനാല് ദൂരെയിരിക്കുന്ന സംസ്ക്കാരം കൂടെ പോകുന്ന സമയത്തും അകല്ച്ചയുടെ അനുഭവം ചെയ്യിക്കും അതിനാല് ഇപ്പോള് മുതലേ മൂന്ന് വിശേഷതകളെയും ചെക്ക് ചെയ്യൂ. സദാ കൂടെയിരിക്കൂ. സദാ ബാബയുടെ സാഥിയായി സേവനം ചെയ്യൂ. ചെയ്യിപ്പിക്കുന്നവന് ബാബ, നിമിത്തമായി ഞാന് ചെയ്യുന്നു. അപ്പോള് സേവനം ഒരിക്കലും ചഞ്ചലതയില് കൊണ്ടു വരില്ല. ഒറ്റപ്പെടുമ്പോഴാണ് ഞാന് എന്ന ബോധത്തില് വരുന്നത്, പിന്നെ മായയാകുന്ന പൂച്ച മ്യാവൂ….മ്യാവൂ എന്ന് കരയുന്നു. നിങ്ങള് ഞാന് ഞാന്….എന്ന് പറയുന്നു, മായ- ഞാന് വരട്ടെ, ഞാന് വരട്ടെ (മേ ആവൂ)… എന്ന് പറയുന്നു. മായയെ പൂച്ചയെന്നാണ് പറയുന്നത്. അതിനാല് സാഥിയായി സേവനം ചെയ്യൂ. കര്മ്മാതീതമാകുന്നതിന്റെ പരിഭാഷ വളരെ ഗുഹ്യമാണ്, അത് പിന്നീട് കേള്പ്പിക്കാം.

ഇന്ന് കേവലം ഈ 3 കാര്യങ്ങള് ചെക്ക് ചെയ്യണം. സമയത്തിന്റെ വിശേഷതകളുടെ ലാഭം എത്രത്തോളം പ്രാപ്തമാക്കി? കാരണം സമയത്തിന്റെ മഹത്വത്തെയറിയുക അര്ത്ഥം മഹാനാകുക. സ്വയത്തെ അറിയുക, ബാബയെ അറിയുക- എത്രത്തോളം ഇതിന് മഹത്വമുണ്ടോ അതേപോലെ സമയത്തെ തിരിച്ചറിയേണ്ടതും ആവശ്യമാണ്. അപ്പോള് മനസ്സിലായോ, ഇനി എന്ത് ചെയ്യണം ? ബാപ്ദാദ റിസള്ട്ട് കേള്പ്പിക്കുന്നതിന് മുമ്പേ തന്റെ റിസള്ട്ട് സ്വയം നോക്കൂ കാരണം ബാപ്ദാദ റിസള്ട്ട് ഔട്ടാക്കിയാല് അത് കേട്ട് ചിന്തിക്കും- ഇപ്പോള് അനൗന്സായി, ഇനിയെന്ത് ചെയ്യും, ഇപ്പോള് ആരാണൊ എങ്ങനെയാണൊ ശരിയാണ് അതിനാല് വീണ്ടും ബാപ്ദാദ പറയുന്നു- ഇത് ചെക്ക് ചെയ്യൂ, ഇത് ചെക്ക് ചെയ്യൂ. ഇങ്ങനെ ഇന്ഡയറക്ടായി റിസള്ട്ട് കേള്പ്പിച്ചു കൊണ്ടിരിക്കുന്നു കാരണം ആദ്യമേ പറഞ്ഞിട്ടുണ്ട്- റിസള്ട്ട് കേള്പ്പിക്കും എന്ന്, സമയവും നലികിയിട്ടുണ്ട്. ഇടയ്ക്ക് 6 മാസം, ഇട്യ്ക്ക് ഒരു വര്ഷം നല്കിയിരിക്കുന്നു. ചിലര് ഇങ്ങനെയും ചിന്തിക്കുന്നു- 6 മാസം പൂര്ത്തിയായല്ലോ, ഒന്നും കേള്പ്പിച്ചില്ലല്ലോ എന്ന്. പക്ഷെ ബാബ കേള്പ്പിച്ചല്ലോ- ഇപ്പോള് ദയ കാണിക്കുന്ന സമയമാണ്, വരദാനം നല്കുന്ന സമയമാണ്. ഇപ്പോള് ചിത്രഗുപ്തന് ഗുപ്തമാണ്. പിന്നീട് പ്രത്യക്ഷമാകും അതിനാല് ബാബയ്ക്ക് ദയ തോന്നുന്നു- ശരി, കുട്ടികളേ, ഒരു വര്ഷം കൂടി നല്കാം എന്ന്. ബാബ ആഗ്രഹിച്ചാല് എന്താണ് ചെയ്യാന് സാധിക്കാത്തത്. സര്വ്വരുടെ ഓരോ കാര്യവും അനൗന്സ് ചെയ്യാന് സാധിക്കും. ചിലര് ഭോലാനാഥന് എന്ന് മനസ്സിലാക്കുന്നില്ലേ. ചില കുട്ടികള് ഇപ്പോഴും ബാബയെ നിഷ്കളങ്കനാക്കുന്നു. ഭോലാനാഥനാണ് എന്നാല് മഹാകാലനുമാണ്. ഇപ്പോള് ആ രൂപം കുട്ടികളുടെ മുന്നില് കാണിക്കുന്നില്ല. ഇല്ലായെങ്കില് മുന്നില് നില്കാനേ സാധിക്കില്ല. അതിനാല് അറിഞ്ഞു കൊണ്ടും ഭോലാനാഥനായി മാറുന്നു, ഒന്നും അറിയാത്തത് പോലെ. എന്നാല് എന്തിന്? കുട്ടികളെ മ്പൂര്ണ്ണമാക്കുന്നതിന് വേണ്ടി. മനസ്സിലായോ? ബാപ്ദാദ ഈ ദൃശ്യങ്ങളെല്ലാം കണ്ട് പുഞ്ചിരിച്ചു കൊണ്ടിരിക്കുന്നു. എന്തെല്ലാം കളികള് കളിക്കുന്നു- സര്വ്വതും കണ്ടു കൊണ്ടിരിക്കുന്നു അതിനാല് ബ്രാഹ്മണ ജീവിതത്തിന്റെ വിശേഷതകളെ സ്വയം ചെക്ക് ചെയ്യൂ, സ്വയത്തെ സമ്പന്നമാക്കൂ. ശരി.

നാനാ ഭാഗത്തുമുള്ള സര്വ്വ യോഗീ ആത്മാവ്, ജ്ഞാനി ആത്മാവ്. ബാബയ്ക്ക് സമാനമായ കര്മ്മാതീത ശ്രേഷ്ഠ ആത്മാക്കള്ക്ക്, സദാ ബാബയുടെ സര്വ്വ സംബന്ധങ്ങളുടെ, പ്രാപ്തിയുടെ ലാഭമെടുക്കുന്ന വിവേകശാലികളായ വിശാല ബുദ്ധി, സ്വച്ഛ ബുദ്ധി, സദാ പാവനമായ കുട്ടികള്ക്ക് ബാപ്ദാദായുടെ സ്നേഹ സ്മരണയും നമസ്തേ.

പാര്ട്ടികളുമായുള്ള സംഭാഷണം- സദാ സ്വയത്തെ സര്വ്വശക്തികള് കൊണ്ട് സമ്പന്നമായ മാസ്റ്റര് സര്വ്വശക്തിവാന് ആത്മാക്കളാണെന്ന് അനുഭവിക്കുന്നുണ്ടോ? ബാബ സര്വ്വശക്തികളുടെ ഖജനാവ് സമ്പത്തിന്റെ രൂപത്തില് നല്കിയിട്ടുണ്ട്. സര്വ്വശക്തികള് തന്റെ സമ്പത്ത് അര്ത്ഥം ഖജനാവാണ്. തന്റെ ഖജനാക്കള് കൂടെ തന്നെയുണ്ടല്ലോ. ബാബ നല്കി, കുട്ടികളുടേതായി. അതിനാല് സ്വന്തം എന്നുള്ള വസ്തുവിന്റെ ഓര്മ്മ സ്വതവേയുണ്ടാകുന്നു. ലോകത്തിലുള്ള വസ്തുക്കളെല്ലാം വിനാശിയാണ്, ഈ സമ്പത്ത് അഥവാ ശക്തികള് അവിനാശിയാണ്. ഇന്ന് സമ്പത്ത് ലഭിച്ചു, നാളെ സമാപ്തമായി അങ്ങനെയല്ല. ഇന്ന് ഖജനാവുണ്ട്, നാളെ ആരെങ്കിലും അതിനെ നശിപ്പിച്ചു, തട്ടിയെടുത്തു- അങ്ങനെയുള്ള ഖജനാവല്ല, എത്രത്തോളം വിതരണം ചെയ്യുന്നുവൊ അത്രത്തോളം വര്ദ്ധിക്കുന്നു. ജ്ഞാനത്തിന്റെ ഖജനാവ് എത്രത്തോളം നല്കുന്നുവൊ അത്രത്തോളം വര്ദ്ധിച്ചു കൊണ്ടിരിക്കും. സര്വ്വ സാധനങ്ങളും സ്വതവേ പ്രാപ്തമായിക്കൊണ്ടിരിക്കും. അതിനാല് സദാ സമ്പത്തിന്റെ അധികാരിയായി- ഈ സന്തോഷമില്ലേ. സമ്പത്തും എത്ര ശ്രേഷ്ഠമാണ്. യാതൊരു അപ്രാപ്തിയുമില്ല, സര്വ്വ പ്രാപ്തികളുണ്ട്. ശരി.

അമൃതവേളയില് വിടപറയുന്ന സമയത്ത് ദാദിമാരുമായുള്ള , ദാദി നിര്മല് ശാന്താജിയുമായുള്ള സംഭാഷണം- മഹാരഥിമാരുടെ ഓരോ ചുവടിലും സേവനമാണ്. സംസാരിച്ചാലും ഇല്ലെങ്കിലും ഓരോ കര്മ്മത്തിലും, ഒരോ ചലനത്തിലും സേവനമാണ്. സേവനമില്ലാതെ ഒരു സെക്കന്റ് പോലുമിരിക്കാന് സാധിക്കില്ല. മനസ്സാ സേവനത്തിലാകട്ടെ, വാചാ സേവനത്തിലാകട്ടെ, സംബന്ധ സമ്പര്ക്കത്തിലൂടെയാകട്ടെ- എന്നാല് നിരന്തര യോഗിയുമാകണം, നിരന്തര സേവാധാരിയുമാകണം. നല്ലത്- മധുബനില് നിന്നും സമ്പാദിച്ചിട്ടുള്ള ഖജനാവ് സര്വ്വര്ക്കും വിതരണം ചെയ്യുന്നതിനാണ് പോകുന്നത്. മഹാരഥികളുടെ സ്ഥാനത്ത് വസിക്കുക എന്നതും അനേക ആത്മാക്കളുടെ സ്ഥൂല ആശ്രയമായി മാറുന്നു. ഏതു പോലെ ബാബ ഛത്രഛായയാണ്, അതേപോലെ ബാബയ്ക്ക് സമാനം കുട്ടികളും ഛത്രഛായയായി മാറുന്നു. സര്വ്വര്ക്കും കണ്ടിട്ട് എത്ര സന്തോഷമുണ്ടാകുന്നു അതിനാല് ഇത് മഹാരഥികള്ക്കുള്ള വരദാനമാണ്. കണ്ണുകളുടെ വരദാനം, മസ്തകത്തിന്റെ വരദാനം എത്ര വരദാനങ്ങളുണ്ട്! ഓരോ കര്മ്മം ചെയ്യാന് നിമിത്തമായ കര്മ്മേന്ദ്രിയങ്ങള്ക്കും വരദാനമുണ്ട്. നയനങ്ങളിലൂടെ കാണുമ്പോള് എന്ത് മനസ്സിലാക്കുന്നു? ബാബയുടെ ദൃഷ്ടി ഈ ആത്മാക്കളുടെ ദൃഷ്ടിയിലൂടെ അനുഭവപ്പെടുന്നു എന്ന് മനസ്സിലാക്കുന്നു. അപ്പോള് നയനങ്ങള്ക്കുള്ള വരദാനമായില്ലേ! മുഖത്തിനും വരദാനമുണ്ട്, ഓരോ ചുവടിനും വരദാനമുണ്ട്.എത്ര വരദാനമായി, എങ്ങനെ എണ്ണും! മറ്റുള്ളവര്ക്ക് വരദാനം നല്കുന്നുണ്ട് എന്നാല് നിങ്ങള്ക്ക് ആദ്യമേ തന്നെ ലഭിച്ചിരിക്കുകയാണ്. ഓരോ ചുവടിലും വരദാനങ്ങളാല് സഞ്ചി നിറഞ്ഞിരിക്കുന്നു. ലക്ഷ്മിയെ കാണിക്കുന്നുണ്ടല്ലോ- അവരുടെ കൈകളിലൂടെ സര്വ്വര്ക്കും ധനം ലഭിച്ചു കൊണ്ടേയിരിക്കുന്നു. കുറച്ച് സമയത്തേക്കല്ല, സദാ സമ്പത്തിന്റെ ദേവിയായി സമ്പത്ത് നല്കി കൊണ്ടിരിക്കുന്നു. അപ്പോള് ഇത് ആരുടെ ചിത്രമാണ്?

അതിനാല് എത്ര വരദാനമായി! ബാബ പറയുന്നു- ഇനി ഒരു വരദാനവും നല്കാനായി അവശേഷിക്കുന്നില്ല, അപ്പോള് എന്ത് നല്കും? വരദാനങ്ങളാല് അലങ്കരിക്കപ്പെട്ടിരിക്കുകയല്ലേ. പറയാറില്ലേ- കൈ കറക്കിയപ്പോഴേക്കും വരദാനം ലഭിച്ചുവെന്ന്. അതിനാല് ബാബ സമാനമായി ഭവിക്കട്ടെ എന്ന വരദാനം നല്കി, ഇതിലൂടെ സര്വ്വ വരദാനവും ലഭിച്ചു. ബാബ അവ്യക്തമായപ്പോള് സര്വ്വര്ക്കും സമാനമായി ഭവിക്കട്ടെ എന്ന വരദാനം നല്കിയില്ലേ. കേവലം മുന്നിലുള്ളവര്ക്ക് മാത്രമല്ല, സര്വ്വര്ക്കും നല്കി. സൂക്ഷ്മ രൂപത്തില് സര്വ്വ മഹാവീരന്മാരും ബാബയുടെ മുന്നില് ഉണ്ടായിരുന്നു, വരദാനവും ലഭിച്ചു. ശരി.

നിങ്ങളുടെയടുത്ത് സര്വ്വരുടെയും ആശീര്വാദവും മരുന്നുമുണ്ട്, അതിനാല് വലിയ രോഗം പോലും ചെറുതായി മാറുന്നു. കേവലം രൂപരേഖ കാണിക്കുന്നു എന്നാല് പ്രഭാവം ചെലുത്താന് സാധിക്കില്ല. ഇത് ശൂലത്തില് നിന്നും മുള്ളിന്റെ രൂപമായി കാണിക്കുന്നു. ബാക്കി ബാബയുടെ കൈയ്യും കൂട്ട്ക്കെട്ടും സദാ കൂടെയുണ്ട്. ഓരോ ചുവടിലും, ഓരോ വാക്കിലും ബാബയുടെ ആശീര്വാദവും-മരുന്നു ലഭിച്ചു കൊണ്ടിരിക്കുന്നു. അതിനാല് നിശ്ചിന്തരായിരിക്കൂ.(ചിന്തയില് നിന്നും എപ്പോള് മുക്തമാകും?) ഫ്രീ ആകുമ്പോള് സൂക്ഷ്മ വതനത്തില് എത്തി ചേരൂ. ഇതിലൂടെ മറ്റുള്ളവര്ക്കും ബലം ലഭിക്കുന്നു. നിങ്ങളുടെ ഈ രോഗവും സേവനം ചെയ്യുന്നു. അതിനാല് രോഗം രോഗമല്ല, സേവനത്തിന്റെ സാധനമാണ്. അല്ലായെങ്കില് ബാക്കിയുള്ളവര് മനസ്സിലാക്കും ഇവര്ക്ക് സഹായം ലഭിക്കുന്നുണ്ട്, ഇവര്ക്ക് അനുഭവമില്ലയെന്ന്. എന്നാല് അനുഭവിയായി മറ്റുള്ളവര്ക്കും ധൈര്യം നല്കുന്ന സേവനത്തിന് വേണ്ടി കുറച്ച് രൂപരേഖ കാണിക്കുന്നു. ഇല്ലായെങ്കില് സര്വ്വരും നിരാശരാകും. നിങ്ങളെല്ലാവരും ഉദാഹരണത്തിന്റെ രൂപത്തില് കുറച്ച് രൂപരേഖ കാണുന്നു, ബാക്കി സമാപ്തമാകുകയാണ്, കേവലം രൂപരേഖ മാത്രമായി അവശേഷിച്ചിരിക്കുന്നു. ശരി.

വിദേശി സഹോദരി സഹോദരന്മാരോട്- ഹൃദയം കൊണ്ട് ഓരോ ആത്മാവിനെ പ്രതി ശുഭ ഭാവന വയ്ക്കുക- ഇത് തന്നെയാണ് ഹൃദയത്തില് നിന്നുള്ള നന്ദി. ബാബയുടെ ഓരോ ചുവടിലും ഓരോ കുട്ടിക്ക് ഹൃദയത്തില് നിന്നും നന്ദി ലഭിച്ചു കൊണ്ടിരിക്കുന്നു. സംഗമയുഗത്തിന് സര്വ്വാത്മാക്കളെ പ്രതി സദാ നന്ദി രേഖപ്പെടുത്തുന്നതിനുള്ള സമയമാണെന്ന് പറയാം. സംഗമയുഗം പൂര്ണ്ണമായും നന്ദിയുടെ യുഗമാണ്. സദാ പരസ്പരം ശുഭ ഭാവന, ശുഭ കാമന നല്കി കൊണ്ടിരിക്കൂ, ബാബയും നല്കുന്നുണ്ട്. ശരി.