30 April 2021 Malayalam Murli Today – Brahma Kumaris

ഓം ശാന്തി. ഓം ശാന്തിയുടെ അര്ത്ഥം കുട്ടികള്ക്ക് വീണ്ടും വീണ്ടും മനസ്സിലാക്കി തന്നിട്ടുണ്ട്. ഓം എന്നാല് ഞാന് ആത്മാവാണ്, എന്റെ എന്നാല് എന്റേത് ഈ ശരീരം. ശരീരത്തിനു പറയാം സാധിക്കും ഇതെന്റെ ആത്മാവാണ് എന്ന്. ശിവബാബ പറയാറുണ്ട്- നിങ്ങള് എന്റേതാണ്. കുട്ടികള് പറയുന്നു-ബാബ അങ്ങ് എന്റേതാണ്. അതേപോലെ ആത്മാവും പറയുന്നു- എന്റെ ശരീരമെന്ന്. ശരീരം പറയും എന്റെ ആത്മാവ്. ഇപ്പോള് ആത്മാവിനറിയാം ഞാന് അവിനാശിയാണെന്ന്. ആത്മാവില്ലാതെ ശരീരത്തിന് ഒന്നും ചെയ്യാന് സാധിക്കില്ല. ശരീരമുണ്ട്,പറയാറുണ്ട്-എന്റെ ആത്മാവിനെ ബുദ്ധിമുട്ടിക്കരുത്. എന്റെ ആത്മാവ് പാപാത്മാവാണോ അതോ പുണ്യാത്മാവാണോ. നിങ്ങള്ക്കറിയാം നമ്മുടെ ആത്മാവ് സത്യയുഗത്തില് പുണ്യാത്മാവായിരുന്നു. ആത്മാവ് സ്വയവും പറയുന്നു- ഞാന് സത്യയുഗത്തില് സതോപ്രധാനവും സത്യമായ സ്വര്ണ്ണവുമായിരുന്നു. സ്വര്ണ്ണമല്ല. ഇത് ഒരു ഉദാഹരണമാണ് നല്കുന്നത്. നമ്മുടെ ആത്മാവ് പവിത്രമായിരുന്നു. സ്വര്ണ്ണത്തെപ്പോലെയായിരുന്നു. ഇപ്പോള് പറയുന്നു- അപവിത്രമാണെന്ന്. ലോകത്തിലുള്ളവര്ക്ക് ഇതറിയില്ല. നിങ്ങള്ക്ക് ശ്രീമതം ലഭിക്കുകയാണ്. നിങ്ങള്ക്കിപ്പോള് അറിയാം നമ്മുടെ ആത്മാവ് സതോപ്രധാനമായിരുന്നു. ഇപ്പോള് തമോപ്രധാനമായി മാറിയിരിക്കുന്നു. ഓരോ വസ്തുവും ഇങ്ങനെ തന്നെയാണ്. കുട്ടി, യുവാവ്, വൃദ്ധ അവസ്ഥ… ഓരോ വസ്തുവും പുതിയില് നിന്നും തീര്ച്ചയായും പഴതാവുക തന്നെ ചെയ്യും. ലോകവും ആദ്യം സ്വര്ണ്ണിമവും സതോപ്രധാനവുമായിരുന്നു. പിന്നീട് തമോപ്രധാനമായ ഇരുമ്പ് യുഗത്തിലുള്ളതായി മാറി. അതുകൊണ്ടാണ് ദുഃഖികളായത്. സതോപ്രധാനമായത് എന്നാല് പരിവര്ത്തനപ്പെട്ടത്. തമോപ്രധാനം എന്നാല് മോശമായത്. ഗീതത്തിലും പറയാറുണ്ട്-മോശമായതിനെ നല്ലതാക്കി മാറ്റുന്നവനെന്ന്…..പഴയ ലോകം മോശമായിരിക്കുകയാണ്. കാരണം രാവണ രാജ്യമാണ് എല്ലാവരും പതിതരുമാണ്. സത്യുഗത്തില് എല്ലാവരും പാവനരായിരുന്നു. സത്യയുഗത്തെ പുതിയ നിര്വ്വികാരിയായ ലോകമെന്നാണ് പറയുന്നത്. ഇതാണ് പഴയ വികാരി ലോകം. ഇപ്പോള് കലിയുഗമാകുന്ന ഇരുമ്പ് യുഗമാണ്. ഈ കാര്യങ്ങളൊന്നും ഒരു സ്കൂളിലോ കോളേജിലോ പഠിപ്പിക്കാറില്ല. ഭഗവാന് വന്നാണ് പഠിപ്പിച്ച് രാജയോഗം പരിശീലിപ്പിക്കുന്നത്. ഗീതയില് ഭഗവാനുവാച എന്ന് എഴുതിയിട്ടുണ്ട്-ശ്രീമദ് ഭഗവത് ഗീത. ശ്രീമതം എന്നാല് ശ്രേഷ്ഠമായ മതം. ശ്രേഷ്ഠത്തിലും വെച്ച് ശ്രേഷ്ഠവും ഉയര്ന്നതിലും വെച്ച് ഉയര്ന്നതുമായത് ഭഗവാനാണ്. ഭഗവാന്റെ പേര് യഥാര്ത്ഥത്തില് ശിവനെന്നാണ്. രുദ്ര ജയന്തിയെന്നും രുദ്രന്റെ രാത്രിയെന്നും ഒരിക്കലും കേട്ടിട്ടുണ്ടായിരിക്കില്ല. ശിവരാത്രിയെന്നാണ് പറയുന്നത്. ശിവന് നിരാകാരനാണ്. ഇപ്പോള് നിരാകാരന്റെ ജയന്തി അഥവാ രാത്രി എങ്ങനെയാണ് ആഘോഷിക്കുന്നത്! കൃഷ്ണന്റെ ജയന്തി എന്നത് ശരിയാണ്. ഇന്നയാളുടെ കുട്ടിയാണ്, തിയ്യതിയും മാസവുമെല്ലാം കാണിക്കുന്നുണ്ട്. ശിവനെക്കുറിച്ച് ആര്ക്കും അറിയില്ല. എപ്പോഴാണ് ജനിച്ചതെന്ന് അറിയണമല്ലോ. ശ്രീകൃഷ്ണന് സത്യയുഗത്തിലെ ആദിയില് എങ്ങനെയാണ് ജന്മമെടുത്തത് എന്ന് നിങ്ങള്ക്കിപ്പോള് വിവേകം ലഭിച്ചു. നിങ്ങള് പറയും ശ്രീകൃഷ്ണന് ജനിച്ചിട്ട് അയ്യായിരം വര്ഷങ്ങളായി. മനുഷ്യര് പറയുന്നു ക്രിസ്തുവിന്റെ മൂവായിരം വര്ഷങ്ങള്ക്കു മുമ്പ് ഭാരതം സ്വര്ഗ്ഗമായിരുന്നു. ഇസ്ലാമികള്ക്ക് മുമ്പ് ചന്ദ്രവംശികളും. അവരുടെ മുന്നില് സൂര്യവംശികളുമായിരുന്നു. ശാസ്ത്രങ്ങളില് സത്യയുഗത്തിന് ലക്ഷക്കണക്കിന് വര്ഷങ്ങളാണ് കാണിച്ചിട്ടുള്ളത്. ഗീതയാണ് മുഖ്യം. ഗീതയിലൂടെയാണ് ദേവീ-ദേവത ധര്മ്മത്തിന്റെ സ്ഥാപനയുണ്ടായത്. ഈ ധര്മ്മം സത്യയുഗം-ത്രേതായുഗം വരെ നീണ്ടു നിന്നു. അര്ത്ഥം ഗീത എന്ന ശാസ്ത്രത്തിലൂടെ ആദി സനാതന ദേവീ-ദേവത ധര്മ്മത്തിന്റെ സ്ഥാപനയും പരമപിതാ പരമാത്മാവ് തന്നെയാണ് ചെയ്തത്. പിന്നീട് പകുതി കല്പത്തേക്ക് ഒരു ശാസ്ത്രവുമില്ല, ധര്മ്മ സ്ഥാപകരുമില്ല. ബാബ തന്നെ വന്നാണ് ബ്രാഹ്മണരെ ദേവതയും ക്ഷത്രിയരുമാക്കി മാറ്റിയത്. അര്ത്ഥം ബാബ മൂന്ന് ധര്മ്മങ്ങള് സ്ഥാപിക്കുന്നു. ഇത് ലീപ് ധര്മ്മമാണ്. ഇതിന്റെ ആയുസ്സ് കുറച്ചായിരിക്കും. അതിനാല് സര്വ്വ ശാസ്ത്രമയീ ശിരോമണീ ഗീത ഭഗവാനാണ് പാടിയിട്ടുള്ളത്. ബാബ പുനര്ജന്മത്തിലേക്ക് വരുന്നില്ല. ബാബക്ക് ജന്മമുണ്ട് എന്നാല് ഗര്ഭത്തില് വരുന്നില്ല. ഗര്ഭത്തിലൂടെ എന്റെ പാലനയുണ്ടാകുന്നില്ല. സത്യയുഗത്തിലുള്ള കുട്ടികളെല്ലാം ഗര്ഭക്കൊട്ടാരത്തിലായിരിക്കും. രാവണരാജ്യത്തില് ഗര്ഭജയിലിലേക്കായിരിക്കും വരേണ്ടി വരുക. പാപങ്ങള് ജയിലിലാണ് അനുഭവിക്കുന്നത്. ഗര്ഭത്തില് പരിണിതഫലങ്ങള് അനുഭവിക്കുന്നതിലൂടെ പറയുന്നു- ഞാന് ഇനി പാപങ്ങളൊന്നും ചെയ്യില്ല. എന്നാല് ഇത് പാപാത്മാക്കളുടെ ലോകമാണ്. ഗര്ഭത്തില് നിന്ന് പുറത്ത് വരുന്നതിലൂടെ പാപങ്ങള് ചെയ്യാന് ആരംഭിക്കുന്നു. ഗര്ഭത്തില് വെച്ച് പറഞ്ഞത് അവിടെ തന്നെയായി… ഇവിടെയും ഒരുപാട് പ്രതിജ്ഞ ചെയ്യാറുണ്ട് – ഞാന് പാപങ്ങളൊന്നു ചെയ്യില്ല എന്ന്. പരസ്പരം കാമാമകുന്ന വികാരത്തിലേക്ക് പോകില്ല എന്ന്. കാരണം ഈ വികാരം തന്നെയാണ് ആദി-മദ്ധ്യ-അന്ത്യം ദുഃഖം നല്കുന്നത്. സത്യയുഗത്തില് വിഷമില്ല. അതുകൊണ്ട് മനുഷ്യര് ആദി-മദ്ധ്യ-അന്ത്യം 21 ജന്മത്തേക്ക് ദുഃഖം അനുഭവിക്കുന്നില്ല. കാരണം രാമരാജ്യമാണ്. രാമരാജ്യത്തിന്റെ സ്ഥാപന ബാബ വീണ്ടും ചെയ്യുകയാണ്. സംഗമത്തില് മാത്രമേ സ്ഥാപനയുണ്ടാകൂ. ധര്മ്മം സ്ഥാപിക്കാന് വരുന്നവര്ക്ക് ഒരു പാപവും ചെയ്യേണ്ട ആവശ്യമില്ല. പകുതി സമയം പുണ്യാത്മാവും. പിന്നീട് പകുതി സമയം പാപാത്മാവുമായി മാറുന്നു. നിങ്ങള് സത്യയുഗ-ത്രേതായുഗത്തില് പുണ്യാത്മാവായിരുന്നു. പിന്നീടാണ് പാപാത്മാവായി മാറുന്നത്. സതോപ്രധാനമായ ആത്മാവ് പരംധാമത്തില് നിന്ന് വരുമ്പോള് ശിക്ഷകള് അനുഭവിക്കാന് സാധിക്കില്ല. ക്രിസ്തുവിന്റെ ആത്മാവ് ധര്മ്മം സ്ഥാപിക്കാന് വന്നാല് ഒരു ശിക്ഷയും ലഭിക്കാന് സാധിക്കില്ല. പറയുന്നു-ക്രിസ്തുവിനെ കുരിശ്ശില് തറച്ചു എന്ന്. എന്നാല് ക്രിസ്തുവിന്റെ ആത്മാവ് ഒരു വികര്മ്മങ്ങളൊന്നും ചെയ്തിട്ടില്ല. ക്രിസ്തു ഏത് ശരീരത്തിലാണോ പ്രവേശിക്കുന്നത് അവര്ക്കാണ് ദുഃഖമുണ്ടാകുന്നത്. അവരുടെ ശരീരമാണ് സഹിക്കുന്നത്. ബ്രഹ്മാബാബയില് എങ്ങനെയാണോ സതോപ്രധാനമായ ശിവബാബ വരുന്നത്. എന്ത് ബുദ്ധിമുട്ടും ദുഃഖവുമെല്ലാം ബ്രഹ്മാവിന്റെ ആത്മാവിനാണ് ഉണ്ടാകുന്നത്. അല്ലാതെ ശിവബാബക്കല്ല. ബാബ സദാ സുഖത്തോടും ശാന്തിയോടും കൂടിയാണ് കഴിയുന്നത്. സദാ സതോപ്രധാനമാണ്. എന്നാല് വരുന്നത് ഈ ബ്രഹ്മാവിന്റെ ശരീരത്തിലല്ലേ. ക്രിസ്തുവിന്റെ ആത്മാവ് പ്രവേശിച്ച ശരീരത്തിനാണ് ദുഃഖമുണ്ടാകുന്നത്. ക്രിസ്തുവിന്റെ ആത്മാവിന് ദുഃഖമനുഭവിക്കാന് സാധിക്കില്ല. എന്തുകൊണ്ടെന്നാല് സതോ രജോ തമോയിലേക്ക് വരുന്നു. പുതിയ-പുതിയ ആത്മാക്കളും വരുന്നുണ്ടല്ലോ! പുതിയ ആത്മാക്കള്ക്ക് തീര്ച്ചയായും സുഖമനുഭവിക്കേണ്ടതായി വരും. ദുഃഖമനുഭവിക്കാന് സാധിക്കില്ല. നിയമമില്ല. ഈ ബ്രഹ്മാബാബയില് ബാബ ഇരിക്കുന്നുണ്ട്. എന്നാല് ബുദ്ധിമുട്ടെല്ലാം അനുഭവിക്കുന്നത് ദാദയാണ്, അല്ലാതെ ശിവബാബയല്ല. എന്നാല് ഈ കാര്യങ്ങള് നിങ്ങളാണ് അറിയുന്നത്. മറ്റാര്ക്കും അറിയില്ല.

ഈ രഹസ്യങ്ങളെല്ലാം ബാബയാണ് മനസ്സിലാക്കിതരുന്നത്. ഈ സഹജമായ രാജയോഗത്തിലൂടെ തന്നെയാണ് സ്ഥാപനയുണ്ടായത്. പിന്നീട് ഭക്തിമാര്ഗ്ഗത്തില് ഈ കാര്യങ്ങള് തന്നെയാണ് പാടിവരുന്നത്. ഈ സംഗമയുഗത്തില് സംഭിക്കുന്നതിനെക്കുറിച്ചെല്ലാം മഹിമ പാടാറുണ്ട്. ഭക്തിമാര്ഗ്ഗം ആരംഭിക്കുമ്പോള് ശിവബാബയുടെ പൂജയുണ്ടാകുന്നു. ആദ്യമാദ്യം ആരാണ് ഭക്തി ചെയ്യുന്നത്. ലക്ഷ്മീ- നാരായണന് രാജ്യം ഭരിച്ചിരുന്നപ്പോള് പൂജ്യരായിരുന്നു. പിന്നീട് വാമമാര്ഗ്ഗത്തിലേക്ക് വന്നപ്പോള് പൂജ്യരില് നിന്ന് പൂജാരിയായി മാറുന്നു. ബാബ മനസ്സിലാക്കി തരുന്നു- നിങ്ങള് കുട്ടികള്ക്ക് ആദ്യമാദ്യം ബുദ്ധിയില് വരണം നിരാകാരനായ പരമപിതാ പരമാത്മാ ഈ ബ്രഹ്മാവിലൂടെയാണ് നമ്മളെ പഠിപ്പിക്കുന്നത്. ഇങ്ങനെ മനസ്സിലാക്കി തരുന്ന മറ്റൊരു സ്ഥലം മുഴുവന് ലോകത്തിലുമില്ല. ബാബ തന്നെയാണ് ഭാരതത്തിന് വീണ്ടും സ്വര്ഗ്ഗത്തിന്റെ സമ്പത്ത് നല്കുന്നത്. ത്രിമൂര്ത്തിയുടെ ചിത്രത്തിന്റെ താഴെ എഴുതി വച്ചിട്ടുണ്ട്- പവിത്രവും ദൈവീകവുമായ ലോകം നിങ്ങളുടെ ജന്മസിദ്ധ അവകാശമാണ്. ശിവബാബ വന്നാണ് നിങ്ങള് കുട്ടികള്ക്ക് സ്വര്ഗ്ഗത്തിന്റെ ചക്രവര്ത്തീ പദവി നല്കുന്നത്, യോഗ്യതയുള്ളതാക്കി മാറ്റുന്നു. നിങ്ങള്ക്കറിയാം ബാബ നമ്മള് പതിതമായവരെ യോഗ്യതയുള്ളതാക്കി മാറ്റുകയാണ്. പാവനമായി മാറിയാല് പിന്നെ ഈ ശരീരമുണ്ടാവില്ല. രാവണനിലൂടെയാണ് നമ്മള് പതിതമായി മാറിയത്. പിന്നീട് പരമപിതാ പരമാത്മാവ് പാവനമാക്കി മാറ്റി പാവനമായ ലോകത്തിന്റെ അധികാരിയാക്കി മാറ്റുന്നു. ബാബ തന്നെയാണ് ജ്ഞാനത്തിന്റെ സാഗരനും പതിത പാവനനും. നിരാകാരനായ ശിവബാബ നമ്മളെ പഠിപ്പിക്കുന്നു. എല്ലാവര്ക്കൊന്നും ഒരുമിച്ച് പഠിക്കാന് സാധിക്കില്ല. നിങ്ങള് കുറച്ചുപേരാണ് സന്മുഖത്തിരിക്കുന്നത്. ബാക്കി എല്ലാ കുട്ടികള്ക്കും അറിയാം- ശിവബാബ ബ്രഹ്മാവിന്റെ ശരീരത്തില് ഇരുന്ന് സൃഷ്ടിയുടെ ആദി-മദ്ധ്യ-അന്ത്യത്തിന്റെ ജഞാനം കേള്പ്പിക്കുന്നുണ്ടായിരിക്കും. മുരളി കത്തിന്റെ രൂപത്തില് വരും. മറ്റു സ്തസംഗങ്ങളിലൊന്നും ഇങ്ങനെ മനസ്സിലാക്കില്ല. ഇന്നത്തെ കാലത്ത് റിക്കോര്ട് ചെയ്യുന്ന മെഷീനെല്ലാമുണ്ട്. അതിനാല് അതില് നിറച്ച് തിരിച്ചയ്ക്കുന്നു. മനുഷ്യര് പറയുന്നു- ഇന്ന പേരിലുള്ള ഗുരുവാണ് കേള്പ്പിക്കുന്നത്. ബുദ്ധിയില് മനുഷ്യരുടെ ഓര്മ്മ മാത്രമാണ് ഉള്ളത്. ഇവിടെ അങ്ങനെയുള്ള കാര്യമില്ല. ഇവിടെ നിരാകാരനായ ബാബ നോളേജ്ഫുള്ളാണ്. മനുഷ്യരെ നോളേജ്ഫുള്ളെന്ന് പറയാന് സാധിക്കില്ല. പാടാറുണ്ട്- ഈശ്വരനാകുന്ന പിതാവ് നോളേജ്ഫുള്ളാണ്, ശാന്തസ്വരൂപമാണ്, ആനന്ദസ്വരൂപമാണ്. അപ്പോള് അച്ഛനില് നിന്നുമുള്ള സമ്പത്തും വേണമല്ലോ. അച്ഛനിലുള്ള ഗുണങ്ങളെല്ലാം കുട്ടികള്ക്കും ലഭിക്കണം. ഇപ്പോള് ലഭിച്ചുകൊണ്ടിരിക്കുകയാണ്. ഗുണങ്ങളെ ധാരണ ചെയ്ത് ലക്ഷ്മീ-നാരായണനെപ്പോലെ മാറിക്കൊണ്ടിരിക്കുകയാണ്. എല്ലാവരും രാജാവും റാണിയുമായി മാറില്ല. ഗീതവുമുണ്ട്- രാജാവും റാണിയും മന്ത്രിയുമെന്ന്….സത്യയുഗത്തില് മന്ത്രിമാരില്ല. മഹാരാജാവിനും മഹാറാണിക്കും ശക്തിയുണ്ട്. വികാരിയായി മാറുമ്പോഴാണ് മന്ത്രിമാരുണ്ടാകുന്നത്. മുമ്പൊന്നും മിനിസ്റ്ററൊന്നുമുണ്ടായിരുന്നില്ല. സത്യയുഗത്തില് ഒരു രാജാവിന്റെയും റാണിയുടെയും രാജ്യമായിരിക്കും ഉണ്ടായിരിക്കുക. രാജാവിനും റാണിക്കും മന്ത്രിമാരുടെ ആവശ്യമെന്താണ്, നിര്ദേശമെടുക്കേണ്ട ആവശ്യമില്ല. അവര് സ്വയം അധികാരികളാണ്. ഇതാണ് ചരിത്രവും ഭൂമിശാസ്ത്രവും. എന്നാല് ആദ്യ മാദ്യം ഇരിക്കുമ്പോഴും എഴുന്നേല്ക്കുമ്പോഴും ബുദ്ധിയില് വരണം നമ്മളെ ബാബയാണ് പഠിപ്പിക്കുന്നത്. യോഗം പരിശീലിപ്പിക്കുന്നത്. ഓര്മ്മയുടെ യാത്രയില് കഴിയണം. ഇപ്പോള് നാടകം പൂര്ത്തിയാവുകയാണ്. നമ്മള് വികാരത്തിലേക്ക് പോയതു കാരണം തികച്ചും പതിതമായി മാറിക്കഴിഞ്ഞു. അതുകൊണ്ടാണ് പാപാത്മാവെന്ന് പറയുന്നത്. സത്യയുഗത്തില് പാപാത്മാവില്ല. സത്യയുഗത്തില് പുണ്യാത്മാക്കളാണ്. സത്യയുഗത്തില് പ്രാലബ്ധമാണ് ഉള്ളത്. അതിനുവേണ്ടിയാണ് ഇപ്പോള് നിങ്ങള് പുരുഷാര്ത്ഥം ചെയ്യുന്നത്. നിങ്ങളുടേത് ഓര്മ്മയുടെ യാത്രയാണ്. അതിനെ ഭാരതത്തിന്റെ യോഗമെന്നാണ് പറയുന്നത്. എന്നാല് അര്ത്ഥമൊന്നും മനസ്സിലാക്കുന്നില്ല. യോഗം അര്ത്ഥം ഓര്മ്മ. ഓര്മ്മയിലൂടെയാണ് വികര്മ്മം വിനാശമാകുന്നത്. പിന്നീട് ഈ ശരീരം ഉപേക്ഷിച്ച് വീട്ടിലേക്ക് തിരിച്ചുപോകും. ആത്മാക്കളുടെ വീടിനെ മധുരമായ ലോകമെന്നാണ് പറയുന്നത്. ആത്മാവാണ് പറയുന്നത്-നമ്മള് ശാന്തിധാമത്തിലാണ് വസിക്കുന്നത്. നമ്മള് ശാന്തിധാമത്തില് നിന്ന് അശരീരിയായിട്ടാണ് വന്നത്. ഈ സൃഷ്ടിയില് പാര്ട്ടഭിനയിക്കാന് വേണ്ടിയാണ് ശരീരമെടുത്തത്. മായ എന്ന് 5 വികാരങ്ങളെയാണ് പറയുന്നതെന്നും മനസ്സിലാക്കി തന്നിട്ടുണ്ട്. വികാരങ്ങള് 5 ഭൂതങ്ങളാണ്. കാമത്തിന്റെ ഭൂതം, ക്രോധത്തിന്റെ ഭൂതം. നമ്പര്വണ്ണാണ് ദേഹാഭിമാനത്തിന്റെ ഭൂതം. ബാബ മനസ്സിലാക്കി തരുന്നു- സത്യയുഗത്തില് ഈ വികാരങ്ങളൊന്നുമില്ല. സത്യയുഗത്തെ നിര്വ്വികാരിയായ ലോകമെന്നാണ് പറയുന്നത്. വികാരിയായ ലോകത്തെ നിര്വ്വികാരിയാക്കി മാറ്റുക എന്നത് ബാബയുടെ മാത്രം കര്ത്തവ്യമാണ്. ബാബയെ തന്നെയാണ് സര്വ്വശക്തിവാനെന്നും, ജ്ഞാനത്തിന്റെ സാഗരനെന്നും, പതിത-പാവനനെന്നും പറയുന്നത്. ഈ സമയം എല്ലാവരും ഭ്രഷ്ഠാചാരത്തിലൂടെയാണ് ജന്മെടുക്കുന്നത്. സത്യയുഗത്തില് മാത്രമാണ് നിര്വ്വികാരിയായ ലോകമുള്ളത്. ബാബ പറയുന്നു- ഇപ്പോള് നിങ്ങള്ക്ക് വികാരിയില് നിന്നും നിര്വ്വികാരിയായി മാറണം. പറയാറുണ്ട്- വികാരങ്ങളില്ലാതെ എങ്ങനെ കുട്ടികള് ജനിക്കുമെന്ന്? ബാബ മനസ്സിലാക്കി തരുന്നു- ഇപ്പോള് നിങ്ങളുടേത് അന്തിമ ജന്മമാണ്. മൃത്യുലോകം തന്നെ ഇല്ലാതാകണം. അതിനുശേഷം വികാരികളായ മനുഷ്യരുണ്ടാകില്ല. അതിനാല് ബാബയോട് പവിത്രമായി മാറുമെന്ന പ്രതിജ്ഞ ചെയ്യണം. പറയുന്നു- ബാബ ഞങ്ങള് അങ്ങയില് നിന്ന് തീര്ച്ചയായും സമ്പത്തെടുക്കും. മനുഷ്യര് അസത്യമായ പ്രതിജ്ഞയെടുക്കുന്നു. ഈശ്വരനെ പ്രതി പ്രതിജ്ഞ എടുക്കുന്നുണ്ടെങ്കിലും ഈശ്വരനെ അറിയില്ല. ഈശ്വരന് എപ്പോള് എങ്ങനെയാണ് വരുന്നത്. ഈശ്വരന്റെ നാമം, രൂപം, ദേശം, കാലമെന്താണ്. ഒന്നും അറിയില്ല. ബാബ വന്നാണ് തന്റെ പരിചയം നല്കുന്നത്. ഇപ്പോള് നിങ്ങള്ക്ക് പരിചയം ലഭിച്ചുകണ്ടിരിക്കുകയാണ്. ലോകത്തിലാര്ക്കും ഈശ്വരനാകുന്ന പിതാവിനെക്കുറിച്ചറിയില്ല. വിളിക്കുന്നുമുണ്ട്, പൂജയും ചെയ്യുന്നുണ്ട് എന്നാല് കര്ത്തവ്യത്തെക്കുറിച്ചറിയില്ല. ഇപ്പോള് നിങ്ങള്ക്കറിയാം-പരമപിതാ പരമാത്മാ നമ്മുടെ അച്ഛനും ടീച്ചറും സത്ഗുരുവുമാണ്. ബാബ സ്വയം തന്റെ പരിചയം നല്കി- ഞാന് നിങ്ങളുടെ അച്ഛനാണ്. ബാബ ഈ ശരീരത്തില് പ്രവേശിച്ചിരിക്കുകയാണ്. പ്രജാപിതാ ബ്രഹ്മാവിലൂടെയാണ് സ്ഥാപനയുണ്ടാകുന്നത്. ആരുടെ? ബ്രാഹ്മണരുടെ. പിന്നീട് നിങ്ങള് ബ്രാഹ്മണരാണ് പഠിച്ച് ദേവതയായി മാറുന്നത്. ബാബ വന്നാണ് നമ്മളെ ശൂദ്രനില് നിന്ന് ബ്രാഹ്മണരാക്കി മാറ്റുന്നത്. ബാബ പറയുന്നു- ഞാന് വരുന്നതു തന്നെ കല്പത്തിലെ സംഗമയുഗത്തിലാണ്. ഒരു കല്പം അയ്യായിരം വര്ഷത്തിന്റേതാണ്. ഈ സൃഷ്ടി ചക്രം കറങ്ങിക്കൊണ്ടേയിരിക്കുന്നു. ബാബ വരുന്നത് പഴയ ലോകത്തെ പുതിയതാക്കി മാറ്റാനാണ്. പഴയ ധര്മ്മങ്ങളുടെ വിനാശം ചെയ്യിപ്പിച്ചാണ് ആദി സനാതന ദേവീ- ദേവത ധര്മ്മത്തിന്റെ സ്ഥാപന ചെയ്യുന്നത്. കുട്ടികളെയാണ് പഠിപ്പിക്കുന്നത്. പിന്നീട് നിങ്ങള് പഠിച്ച് 21 ജന്മത്തേക്കു വേണ്ടി മനുഷ്യനില് നിന്ന് ദേവതയായി മാറുന്നു. ദേവതകളെന്നാല് സൂര്യവംശികള്, ചന്ദ്രവംശികള് പ്രജകള് എല്ലാമുണ്ട്. ബാക്കി പുരുഷാര്ത്ഥമനുസരിച്ച് ഉയര്ന്ന പദവി പ്രാപ്തമാക്കും. ഇപ്പോള് ആര് എത്രത്തോളം പുരുഷാര്ത്ഥം ചെയ്യുന്നുവോ അതു തന്നെയാണ് കല്പ-കല്പം നടക്കുന്നത്. കല്പ-കല്പം ചെയ്യുന്ന പുരുഷാര്ത്ഥമനുസരിച്ചുള്ള പദവി പ്രാപ്തമാക്കും എന്ന് മനസ്സിലാക്കുന്നു. നമ്മളെ നിരാകാരനായ ഭഗവാനാണ് പഠിപ്പിക്കുന്നതെന്ന് നിങ്ങള് കുട്ടികളുടെ ബുദ്ധിയിലുണ്ട്. ബാബയെ ഓര്മ്മിക്കുന്നതിലൂടെ മാത്രമാണ് വികര്മ്മങ്ങള് വിനാശമാകുന്നത്. ഓര്മ്മിക്കാതെ വികര്മ്മങ്ങള് വിനാശമാകില്ല. നമ്മള് എത്ര ജന്മങ്ങളാണ് എടുക്കുന്നതെന്ന് മനുഷ്യര്ക്കറിയില്ല. ശാസ്ത്രങ്ങളില് 84 ലക്ഷം ജന്മങ്ങളെന്ന് കെട്ടുകഥ പറഞ്ഞിരിക്കുന്നു. ഇപ്പോള് നിങ്ങള്ക്കറിയാം 84 ജന്മങ്ങളാണ് ഉള്ളതെന്ന്. ഇത് അവസാന ജന്മമാണ്. പിന്നീട് നമുക്ക് സ്വര്ഗ്ഗത്തിലേക്ക് പോകണം. ആദ്യം മൂലവതനത്തില് പോയി പിന്നീട് സ്വര്ഗ്ഗത്തിലേക്ക് വരും. ശരി!

വളരെക്കാലത്തെ വേര്പാടിനുശേഷം തിരികെ കിട്ടിയ മധുര മധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്ക്കാരം.