20 April 2021 Malayalam Murli Today – Brahma Kumaris

ഓം ശാന്തി. ആത്മീയ അച്ഛനിരുന്ന് മധുര-മധുരമായ കുട്ടികള്ക്ക് മനസ്സിലാക്കി കൊടുക്കുകയാണ്, കുട്ടികളെ സ്വയം ആത്മാവാണെന്ന് മനസ്സിലാക്കി അച്ഛനായ എന്നെ ഓര്മ്മിക്കൂ എങ്കില് നിങ്ങളുടെ എല്ലാ ദു:ഖവും സദാ കാലത്തേയ്ക്ക് ഇല്ലാതാകും. സ്വയം ആത്മാവാണെന്ന് മനസ്സിലാക്കി എല്ലാവരെയും സഹോദര-സഹോദര ദൃഷ്ടിയില് നോക്കുകയാണെങ്കില് പിന്നെ ദേഹത്തിന്റെ ദൃഷ്ടിയും വൃത്തിയും പരിവര്ത്തനപ്പെടും. ബാബയും അശരീരിയാണ്, നിങ്ങള് ആത്മാക്കളും അശരീരിയാണ്. ബാബ ആത്മാക്കളെ തന്നെയാണ് നോക്കുന്നത്, എല്ലാവരും അകാല സിംഹാസനത്തിലിരിക്കുന്ന ആത്മാക്കളാണ്. നിങ്ങളും ആത്മാക്കളും സഹോദര-സഹോദര ദൃഷ്ടിയിലൂടെ നോക്കൂ, ഇതില് വലിയ പരിശ്രമമുണ്ട്. ദേഹത്തിന്റെ ബോധത്തില് വരുന്നത് കൊണ്ട് തന്നെയാണ് മായയുടെ കൊടുങ്കാറ്റ് വരുന്നത്. ഈ ദേഹാഭിമാനത്തിന്റെ വാതില് അടയ്ക്കൂ എങ്കില് മായയുടെ കൊടുങ്കാറ്റ് വരുന്നത് അവസാനിക്കും. ഈ ദേഹീ അഭിമാനിയാകുന്നതിന്റെ പഠിപ്പ് മുഴുവന് കല്പത്തിലും ഈ പുരുഷോത്തമ സംഗമയുഗത്തില് ബാബ തന്നെയാണ് നിങ്ങള് കുട്ടികള്ക്ക് നല്കുന്നത്.

മധുര-മധുരമായ കളഞ്ഞു പോയി തിരികെ കിട്ടിയ കുട്ടികളെ നിങ്ങള്ക്കറിയാം ഇപ്പോള് നമ്മള് നരകത്തിന്റെ തീരം വിട്ട് മുന്നോട്ട് പോയ്കൊണ്ടിരിക്കുകയാണ്, ഈ ഇടയ്ക്കുള്ള പുരുഷോത്തമ സംഗമ യുഗം തികച്ചും വ്യത്യസ്തമാണ്. ഇടയ്ക്കുള്ള സമുദ്രത്തിലാണ് നിങ്ങളുടെ ബോട്ട്. നിങ്ങള് സത്യയുഗിയുമല്ല, കലിയുഗിയുമല്ല. നിങ്ങള് പുരുഷോത്തമ സംഗമയുഗീ സര്വ്വോത്തമ ബ്രാഹ്മണരാണ്. സംഗമയുഗം ഉണ്ടായത് തന്നെ ബ്രാഹ്മണര്ക്കുവേണ്ടിയാണ്. ബ്രാഹ്മണരാണ് ഉയര്ന്നത്. ഇത് ബ്രാഹ്മണരുടെ ഏറ്റവും ചെറിയ യുഗമാണ്. ഇത് ഒരേയൊരു ജന്മത്തിന്റെ യുഗമാണ്. ഇത് നിങ്ങളുടെ സന്തോഷത്തിന്റെ യുഗമാണ്. സന്തോഷം ഏത് കാര്യത്തിന്റെയാണ്? ഭഗവാന് നമ്മേ പഠിപ്പിക്കുന്നതിന്റെ! അങ്ങനെയുള്ള വിദ്യാര്ത്ഥികള്ക്ക് എത്ര സന്തോഷമുണ്ടാകും! നിങ്ങള്ക്കിപ്പോള് മുഴുവന് ചക്രത്തിന്റെയും ജ്ഞാനം ബുദ്ധിയിലുണ്ട്. ഇപ്പോള് നമ്മള് തന്നെയാണ് ബ്രാഹ്മണര്പിന്നീട് നമ്മള് തന്നെ ദേവതയായി മാറും. ആദ്യം തന്റെ വീടായ സ്വീറ്റ് ഹോമിലേയ്ക്ക് പോകും പിന്നീട് പുതിയ ലോകത്തില് വരും. നമ്മള് ബ്രാഹ്മണര് തന്നെയാണ് സ്വദര്ശന ചക്രധാരികള്. നമ്മള് തന്നെയാണ് ഈ കളി കളിക്കുന്നത്. ഈ വിരാടരൂപത്തെയും നിങ്ങള് ബ്രാഹ്മണ കുട്ടികള്ക്ക് മാത്രമേ അറിയൂ, ബുദ്ധിയില് മുഴുവന് ദിവസവും ഈ കാര്യങ്ങള് സ്മരിക്കണം.

മധുരമായ കുട്ടികളെ നിങ്ങളുടെ ഇത് അതി സ്നേഹിയായ കുടുംബമാണ്, അതിനാല് നിങ്ങള് ഓരോരുത്തരും വളരെ വളരെ സ്നേഹിയായിരിക്കണം. ബാബയും മധുരമാണ് അതിനാല് കുട്ടികളെയും അതുപോലെ മധുരമാക്കി മാറ്റുന്നു. ഒരിക്കലും ആരോടും ദ്വേഷ്യപ്പെടരുത്. മനസ്സാ വാചാ കര്മ്മണാ ആര്ക്കും ദു:ഖം കൊടുക്കരുത്. ബാബ ഒരിക്കലും ആര്ക്കും ദു:ഖം നല്കുന്നില്ല. എത്രയധികം ബാബയെ ഓര്മ്മിക്കുന്നുവോ അത്രയും മധുരമായി മാറും. അത്രയും മതി, ഈ ഓര്മ്മയിലൂടെ തന്നെ തോണി അക്കരയെത്തുന്നു – ഇതാണ് ഓര്മ്മയുടെ യാത്ര. ഓര്മ്മിച്ചോര്മ്മിച്ച് ശാന്തിധാം വഴി സുഖധാമത്തിലേയ്ക്ക് പോകണം. ബാബ വന്നിരിക്കുന്നത് തന്നെ കുട്ടികളെ സദാ സുഖിയാക്കി മാറ്റുന്നതിനാണ്. ഭൂതങ്ങളെ ഓടിക്കുന്നതിനുള്ള യുക്തി ബാബ പറഞ്ഞു തരുന്നു, എന്നെ ഓര്മ്മിക്കൂ എങ്കില് ഈ ഭൂതം പുറത്ത് പോകും. ഒരു ഭൂതത്തെയും കൂടെ കൊണ്ട് പോകരുത്. ആരിലെങ്കിലും ഭൂതമുണ്ടെങ്കില് ഇവിടെ എന്റെയടുത്ത് ഉപേക്ഷിച്ച് പോകൂ. നിങ്ങള് പറയുകയാണ് ബാബാ വന്ന് ഞങ്ങളിലെ ഭൂതത്തെ പുറത്താക്കി പതിതത്തില് നിന്ന് പാവനമാക്കി മാറ്റൂ. അതിനാല് ബാബ എത്ര പുഷ്പമാക്കിയാണ് മാറ്റുന്നത്. ബാബയും ദാദയും ഒരുമിച്ച് നിങ്ങള് കുട്ടികളുടെ അലങ്കാരം ചെയ്യുന്നു. മാതാവും പിതാവും തന്നെയല്ലേ കുട്ടികളെ അലങ്കരിക്കുന്നത്. അത് പരിധിയുള്ള അച്ഛനാണ് – ഇത് പരിധിയില്ലാത്ത അച്ഛനാണ്. അതിനാല് കുട്ടികള്ക്ക് വളരെ സ്നേഹത്തോടെ നടക്കുകയും നടത്തിക്കുകയും വേണം. എല്ലാ വികാരങ്ങളെയും ദാനം ചെയ്യണം, ദാനം നല്കിയാല് ഗ്രഹണം ഇല്ലാതാകും. ഇതില് ഒരു ഒഴിവു കഴിവിന്റെ കാര്യവുമില്ല. സ്നേഹത്തിലൂടെ നിങ്ങള്ക്ക് ആരെ വേണമെങ്കിലും വശത്താക്കാന് കഴിയും. സ്നേഹത്തോടുകൂടി മനസ്സിലാക്കി കൊടുക്കൂ, സ്നേഹം വളരെ മധുരമായ വസ്തുവാണ് – സിംഹത്തെ, ആനയെ, മൃഗങ്ങളെ പോലും മനുഷ്യര് സ്നേഹത്തിലൂടെ വശത്താക്കുന്നു. അവരാണെങ്കിലോ ആസൂരീയ മനുഷ്യരാണ്. നിങ്ങളാണെങ്കിലോ ഇപ്പോള് ദേവതയായി മാറികൊണ്ടിരിക്കുന്നവരാണ്. അതിനാല് ദൈവീക ഗുണം ധാരണ ചെയ്ത് വളരെ-വളരെ മധുരമായി മാറണം. പരസ്പരം സഹോദര-സഹോദര അഥവാ സഹോദരീ-സഹോദര ദൃഷ്ടിയിലൂടെ നോക്കൂ. ആത്മാവ്, ആത്മാവിന് ഒരിക്കലും ദു:ഖം നല്കാന് സാധിക്കില്ല. ബാബ പറയുന്നു മധുരമായ കുട്ടികളെ, ഞാന് നിങ്ങള്ക്ക് സ്വര്ഗ്ഗത്തിന്റെ രാജ്യഭാഗ്യം നല്കാന് വന്നിരിക്കുകയാണ്. ഇപ്പോള് നിങ്ങള് എന്ത് ആഗ്രഹിക്കുന്നുവോ അത് എന്നില് നിന്ന് എടുക്കൂ. ഞാനാണെങ്കില് നിങ്ങളെ വിശ്വത്തിന്റെ അധികാരി ഡബിള് കിരീടധാരിയാക്കി മാറ്റാന് വന്നിരിക്കുകയാണ്. പക്ഷെ പരിശ്രമം ചെയ്യേണ്ടത് നിങ്ങളാണ്. ഞാന് ആരിലും കിരീടം വെയ്ക്കുകയില്ല. നിങ്ങള്ക്ക് നിങ്ങളുടെ പുരുഷാര്ത്ഥത്തിലൂടെ തന്നെ സ്വയത്തിന് രാജതിലകം നല്കണം. ബാബ പുരുഷാര്ത്ഥത്തിനുള്ള യുക്തി പറഞ്ഞു തരുകയാണ് ഇങ്ങനെയിങ്ങനെ വിശ്വത്തിന്റെ അധികാരി ഡബിള് കിരീടധാരിയാക്കി മാറ്റാന് കഴിയണം. പഠിപ്പില് പൂര്ണ്ണമായ ശ്രദ്ധ നല്കൂ. ഒരിക്കലും പഠിപ്പ് ഉപേക്ഷിക്കരുത്. ഏതെങ്കിലും കാരണത്താല് പിണങ്ങി പഠിപ്പ് ഉപേക്ഷിച്ചുവെങ്കില് വളരെ വളരെ നഷ്ടമുണ്ടാകും. നഷ്ടത്തെയും ലാഭത്തെയും കണ്ടുകൊണ്ടിരിക്കൂ. നിങ്ങള് ഈശ്വരീയ സര്വ്വകലാശാലയിലെ വിദ്യാര്ത്ഥികളാണ്, ഈശ്വരനായ ബാബയില് നിന്ന് പഠിച്ചുകൊണ്ടിരിക്കുകയാണ്, പഠിച്ച് പൂജ്യ ദേവതയായി മാറികൊണ്ടിരിക്കുകയാണ്. അതിനാല് വിദ്യാര്ത്ഥികളും ഇതുപോലെ റെഗുലറായി മാറണം. വിദ്യാര്ത്ഥീ ജീവിതമാണ് ഏറ്റവും നല്ലത്. എത്രത്തോളം പഠിക്കുകയും പഠിപ്പിക്കുകയും പെരുമാറ്റം നല്ലതാക്കി മാറ്റുകയും ചെയ്യുന്നുവോ അത്രയും ദ ബെസ്റ്റായി മാറും.

മധുരമായ കുട്ടികളെ ഇപ്പോള് നിങ്ങളുടെ മടക്കയാത്രയാണ്, ഏതുപോലെ സത്യയുഗത്തില് നിന്ന് ത്രേതാ, ദ്വാപര, കലിയുഗം വരെ താഴെയ്ക്ക് ഇറങ്ങി വന്നുവോ അതുപോലെ ഇപ്പോള് നിങ്ങള്ക്ക് കലിയുഗത്തില് നിന്ന് മുകളില് സത്യയുഗം വരെ പോകണം. എപ്പോള് നിങ്ങള് ത്രേതായുഗം വരെ എത്തുന്നുവോ അപ്പോള് പിന്നീട് ഈ കര്മ്മേന്ദ്രിയങ്ങളുടെ ചഞ്ചലത ഇല്ലാതാകും അതിനാല് എത്രത്തോളം ബാബയെ ഓര്മ്മിക്കുന്നുവോ അത്രയും നിങ്ങള് ആത്മാക്കളില് നിന്ന് രജോ തമോയുടെ കറയിളകി പോകും, എത്രത്തോളം കറയിളകുന്നുവോ അത്രത്തോളം കാന്തത്തെ പോലെ ബാബയുടെ ആകര്ഷണം വര്ദ്ധിക്കും. ആകര്ഷണം ഇല്ലായെങ്കില് തീര്ച്ചയായും കറയുണ്ടാകും – കറ അപ്പടി ഇളകി ശുദ്ധമായ സ്വര്ണ്ണമായി മാറുന്നതാണ് അന്തിമ കര്മ്മാതീത അവസ്ഥ.

നിങ്ങള്ക്ക് ഗൃഹസ്ഥ വ്യവഹാരത്തില്, പ്രവൃത്തി മാര്ഗ്ഗത്തിലിരുന്നും കമല പുഷ്പ സമാനമായി മാറണം. ബാബ പറയുന്നു മധുരമായ കുട്ടികളെ, ഗൃഹസ്ഥത്തെയും സംരക്ഷിക്കൂ, ശരീര നിര്വാഹാര്ത്ഥം ജോലിയും ചെയ്യൂ. ഒപ്പമൊപ്പം ഈ പഠിപ്പും പഠിച്ചുകൊണ്ടിരിക്കൂ. പാട്ടുമുണ്ട് കൈകൊണ്ട് ജോലി ചെയ്തു കൊണ്ടും ഒരു പ്രിയതമനായ ബാബയെ ഓര്മ്മിക്കണം. നിങ്ങള് അര കല്പത്തെ പ്രിയതമകളാണ്. ശരിയായ ഭക്തിയിലും നോക്കൂ കൃഷ്ണന് മുതലായവരെയെല്ലാം എത്ര സ്നേഹത്തോടെയാണ് ഓര്മ്മിക്കുന്നത്. അതാണ് യഥാര്ത്ഥ ഭക്തി, സ്ഥായിയായ ഭക്തി. കൃഷ്ണന്റെ ഓര്മ്മ സ്ഥായിയായിരിക്കുന്നുവെങ്കിലും കൃഷ്ണനിലൂടെ ഒരു മുക്തിയും കിട്ടില്ല. ഇത് നിരന്തരം ഓര്മ്മിക്കുന്നതിന്റെ ജ്ഞാനമാണ്. ബാബ പറയുന്നു പതിത പാവനനായ എന്നെ ഓര്മ്മിക്കൂ എങ്കില് നിങ്ങളുടെ പാപം നശിച്ചു പോകും, പക്ഷെ മായയും വളരെ ശക്തിശാലിയാണ്. ആരെയും വിടുന്നില്ല. മായയോട് പലപ്പോഴും തോല്വി അനുഭവിക്കുകയാണെങ്കില് തല കുമ്പിട്ട് പശ്ചാത്തപിക്കണം. ബാബ മധുരമായ കുട്ടികള്ക്ക് ശ്രേഷ്ഠമായ നിര്ദ്ദേശം നല്കുന്നത് തന്നെ ശ്രേഷ്ഠമാക്കുന്നതിന് വേണ്ടിയാണ്. ബാബ കാണുന്നുണ്ട് ഇത്രയും പരിശ്രമം കുട്ടികള് ചെയ്യുന്നില്ല അതുകൊണ്ട് ബാബയ്ക്ക് ദയ തോന്നുകയാണ്. അഥവാ ഈ അഭ്യാസം ഇപ്പോള് ചെയ്യുന്നില്ലായെങ്കില് പിന്നീട് ശിക്ഷകളും ഒരുപാട് അനുഭവിക്കേണ്ടി വരും കല്പ-കല്പം തുച്ഛമായ പദവിയും നേടികൊണ്ടിരിക്കും.

മുഖ്യമായ കാര്യം മധുരമായ കുട്ടികള്ക്ക് ബാബ മനസ്സിലാക്കി തരുകയാണ് ദേഹീ അഭിമാനിയായി മാറൂ. ദേഹ സഹിതം ദേഹത്തിന്റെ എല്ലാ സംബന്ധത്തെയും മറന്ന് എന്നെ മാത്രം ഓര്മ്മിക്കൂ, തീര്ച്ചയായും പാവനമായി മാറുകയും വേണം. കുമാരി എപ്പോള് പവിത്രമായിരിക്കുന്നുവോ അപ്പോള് എല്ലാവരും അവരുടെ മുന്നില് തലകുനിക്കുന്നു. വിവാഹം കഴിക്കുന്നതിലൂടെ പിന്നീട് പൂജാരിയായി മാറുന്നു. എല്ലാവരുടെ മുന്നിലും തല കുനിക്കേണ്ടി വരുന്നു. കന്യക ആദ്യം അച്ഛന്റെ വീട്ടിലിരിക്കുമ്പോള് ഇത്രയും കൂടുതല് സംബന്ധം ഓര്മ്മ വരികയില്ല. വിവാഹ ശേഷം ദേഹത്തിന്റെ സംബന്ധവും വര്ദ്ധിക്കുന്നു പിന്നീട് ഭര്ത്താവിലും മക്കളിലും മോഹം വര്ദ്ധിക്കുന്നു. അമ്മായിയമ്മ, അമ്മായി അച്ഛന് മുതലായവരുടെയെല്ലാം ഓര്മ്മ വന്നുകൊണ്ടിരിക്കും. ആദ്യമാണെങ്കിലോ കേവലം അച്ഛനിലും അമ്മയിലും മാത്രം മോഹമുണ്ടാകുന്നു. ഇവിടെയാണെങ്കില് പിന്നീട് ആ എല്ലാ സംബന്ധങ്ങളെയും മറക്കേണ്ടതുണ്ട്. കാരണം ഇത് നിങ്ങളുടെ ഒരേയൊരു സത്യം സത്യമായ അച്ഛനും അമ്മയുമാണല്ലോ. ഇത് ഈശ്വരീയ സംബന്ധമാണ്. പാടുന്നുമുണ്ട് അങ്ങ് തന്നെയാണ് മാതാവും പിതാവും…….. ഈ മാതാവും പിതാവും നിങ്ങളെ വിശ്വത്തിന്റെ അധികാരിയാക്കി മാറ്റുന്നു അതിനാല് ബാബ പറയുകയാണ് പരിധിയില്ലാത്ത അച്ഛനായ എന്നെ നിരന്തരം ഓര്മ്മിക്കൂ വേറെ ഒരു ദേഹധാരിയോടും മമത്വം വെയ്ക്കരുത്. സ്ത്രീയ്ക്ക് കലിയുഗീ പതിയുടെ ഓര്മ്മ വളരെയധികം ഉണ്ടാകുന്നു, അവരാണെങ്കില് ഗട്ടറില് വീഴ്ത്തിയിടുന്നു. ഈ പരിധിയില്ലാത്ത ബാബയാണെങ്കില് നിങ്ങളെ സ്വര്ഗ്ഗത്തിലേയ്ക്ക് കൂട്ടികൊണ്ട് പോകുന്നു. അങ്ങനെയുള്ള ബാബയെ വളരെ സ്നേഹത്തോടെ ഓര്മ്മിക്കുകയും സ്വദര്ശന ചക്രം കറക്കികൊണ്ടുമിരിക്കൂ. ഈ ഓര്മ്മയുടെ ബലത്തിലൂടെ നിങ്ങളുടെ ആത്മാവ് സ്വര്ണ്ണമായി മാറി സ്വര്ഗ്ഗത്തിന്റെ അധികാരിയായി മാറും. സ്വര്ഗ്ഗത്തിന്റെ പേര് കേള്ക്കുമ്പോള് തന്നെ മനസ്സ് സന്തോഷിക്കുന്നു. ആരാണോ നിരന്തരം ഓര്മ്മിക്കുകയും മറ്റുള്ളവര്ക്ക് ഓര്മ്മ ഉണര്ത്തിച്ചുകൊണ്ടിരിക്കുകയും ചെയ്യുന്നത് അവരേ ഉയര്ന്ന പദവി നേടൂ. ഈ പുരുഷാര്ത്ഥം ചെയ്ത് ചെയ്ത് അവസാനം നിങ്ങളുടെ അവസ്ഥ ഉറച്ചതാകും. ഇതാണെങ്കില് ലോകവും പഴയതാണ്, ദേഹവും പഴയതാണ്, ദേഹ സഹിതം ദേഹത്തിന്റെ എല്ലാ സംബന്ധവും പഴയതാണ്. ആ എല്ലാത്തില് നിന്നും ബുദ്ധിയോഗം മാറ്റി ഒരു ബാബയുടെ സംഗത്തില് യോജിപ്പിക്കണം, ആരാണോ അന്തിമ സമയത്തും ആ ബാബയുടെ ഓര്മ്മയില് തന്നെയിരിക്കുന്നത് വേറെ ഒരു സംബന്ധത്തിന്റെയും ഓര്മ്മയുണ്ടാവുകയാണെങ്കില് പിന്നീട് അന്തിമത്തിലും ആ ഓര്മ്മ വരും പദവിയും ഭ്രഷ്ടമാകും. അവസാന കാലത്ത് ആരാണോ പരിധിയില്ലാത്ത ബാബയുടെ ഓര്മ്മയിലിരിക്കുന്നത് അവരേ നരനില് നിന്ന് നാരായണനായി മാറൂ. ബാബയുടെ ഓര്മ്മയുണ്ടെങ്കില് പിന്നെ ശിവാലയം ദൂരെയല്ല.

മധുര-മധുരമായ കളഞ്ഞു പോയി തിരികെ കിട്ടിയ കുട്ടികള് പരിധിയില്ലാത്ത ബാബയുടെയടുത്ത് വന്നത് തന്നെ റിഫ്രഷാകാനാണ് എന്തുകൊണ്ടെന്നാല് കുട്ടികള്ക്കറിയാം പരിധിയില്ലാത്ത ബാബയില് നിന്ന് പരിധിയില്ലാത്ത വിശ്വത്തിന്റെ ചക്രവര്ത്തി പദവി ലഭിക്കുന്നുവെന്ന്. ഇതൊരിക്കലും മറക്കരുത്. അത് സദാ ഓര്മ്മയിലുണ്ടായിരിക്കുകയാണെങ്കില് കുട്ടികള്ക്ക് അപാര സന്തോഷമുണ്ടാകും. ഈ ബാഡ്ജ് ചുറ്റികറങ്ങുന്ന സമയത്ത് ഇടയ്ക്കിടയ്ക്ക് നോക്കികൊണ്ടിരിക്കൂ – ഹൃദയത്തോട് ചേര്ത്ത് വെയ്ക്കൂ. ആഹാ! ഭഗവാന്റെ ശ്രീമതത്തിലൂടെ നമ്മള് ഇങ്ങനെയായി മാറികൊണ്ടിരിക്കുകയാണ്. അത്രയും മതി ബാഡ്ജിനെ നോക്കി അതിനെ സ്നേഹിച്ചുകൊണ്ടിരിക്കൂ. ബാബാ, ബാബാ പറഞ്ഞുകൊണ്ടിരിക്കൂ എങ്കില് സദാ സ്മൃതിയുണ്ടാകും. നമ്മള് ബാബയിലൂടെ ഇതായി മാറുന്നു. ബാബയുടെ ശ്രീമതത്തിലൂടെ നടക്കണമല്ലോ. മധുരമായ കുട്ടികള്ക്ക് വളരെ വിശാല ബുദ്ധി വേണം. മുഴുവന് ദിവസവും സേവനത്തിന്റെ തന്നെ ചിന്തയില് പോയ്കൊണ്ടിരിക്കണം. ബാബയ്ക്കാണെങ്കില് അങ്ങനെയുള്ള കുട്ടികളെയാണ് ആവശ്യം ആര്ക്കാണോ സേവനം കൂടാതെയിരിക്കാന് കഴിയാത്തത്. നിങ്ങള് കുട്ടികള്ക്ക് മുഴുവന് വിശ്വത്തിനുമേലും വലയമിടണം അര്ത്ഥം പതിതലോകത്തെ പാവനമാക്കി മാറ്റണം. മുഴുവന് വിശ്വത്തെയും ദു:ഖധാമത്തില് നിന്ന് സുഖധാമമാക്കി മാറ്റണം. ടീച്ചര്ക്കും പഠിപ്പിക്കുന്നതില് ലഹരി വരുമല്ലോ. നിങ്ങളാണെങ്കിലിപ്പോള് വളരെ ഉയര്ന്ന ടീച്ചറായി മാറിയിരിക്കുകയാണ്. വളരെ നല്ല ടീച്ചര്, അവര് അനേകരെ തനിക്കു സമാനമാക്കി മാറ്റും, ഒരിക്കലും ക്ഷീണിക്കുകയില്ല. ഈശ്വരീയ സേവനത്തില് വളരെയധികം സന്തോഷമുണ്ടാകുന്നു. ബാബയുടെ സഹായം ലഭിക്കുന്നു. ഇത് വലിയ പരിധിയില്ലാത്ത വ്യാപാരവുമാണ്, വ്യാപാരികള് തന്നെയാണ് ധനവാനായി മാറുന്നത്. അവര് ഈ ജ്ഞാനമാര്ഗ്ഗത്തിലും കൂടുതല് തിളങ്ങുന്നു. ബാബയും പരിധിയില്ലാത്ത വ്യാപാരിയാണല്ലോ. വ്യാപാരം വളരെ ഒന്നാന്തരമാണ് പക്ഷെ ഇതില് വലിയ സാഹസം കാണിക്കേണ്ടതുണ്ട്. പുതിയ പുതിയ കുട്ടികള്ക്ക് പഴയവരെക്കാള് പുരുഷാര്ത്ഥത്തില് മുന്നോട്ട് പോകാന് കഴിയുന്നു. ഓരോരുത്തരുടെയും വ്യക്തിപരമായ ഭാഗ്യമാണ്, അതിനാല് പുരുഷാര്ത്ഥവും ഓരോരുത്തര്ക്കും വ്യക്തിപരമായി ചെയ്യണം. തന്റെ പൂര്ണ്ണമായ പരിശോധന ചെയ്യണം. അങ്ങനെ പരിശോധിക്കുന്നവര് പെട്ടെന്ന് രാവും പകലും പുരുഷാര്ത്ഥത്തില് മുഴുകും, പറയും ഞാന് എന്റെ സമയം എന്തിന് വെറുതെ കളയണം. എത്ര സാധിക്കുമോ സമയത്തെ സഫലമാക്കൂ. തന്നോട് തന്നെ ഉറച്ച പ്രതിജ്ഞ ചെയ്യണം, ഞാന് ബാബയെ ഒരിക്കലും മറക്കില്ല. സ്കോളര്ഷിപ്പ് നേടിയേ വിടൂ. അങ്ങനെയുള്ള കുട്ടികള്ക്ക് പിന്നീട് സഹായവും ലഭിക്കുന്നു. അങ്ങനെയുമുള്ള പുതിയ പുതിയ പുരുഷാര്ത്ഥി കുട്ടികളെ നിങ്ങള് കാണും. സാക്ഷാത്ക്കാരം ചെയ്തുകൊണ്ടിരിക്കും. ഏതുപോലെയാണോ തുടക്കത്തിലുണ്ടായിരുന്നത് അത് പിന്നീട് അവസാനവും കാണും. എത്രത്തോളം സമീപത്താകുന്നുവോ അത്രയും സന്തോഷത്തില് നൃത്തം ചെയ്യും. അവിടെ രക്തത്തിന്റെയും കളി നടന്നുകൊണ്ടിരിക്കും.

നിങ്ങള് കുട്ടികളുടെ ഈശ്വരീയ മത്സരം നടന്നുകൊണ്ടിരിക്കുകയാണ്, എത്രത്തോളം മുന്നോട്ട് ഓടുന്നുവോ അത്രത്തോളം പുതിയ ലോകത്തിന്റെ സുന്ദര ദൃശ്യവും സമീപത്തേയ്ക്ക് വരും, സന്തോഷം വര്ദ്ധിക്കും. ആര്ക്കാണോ സുന്ദരമായ ദൃശ്യം അടുത്ത് കാണാത്തത് അവര്ക്ക് സന്തോഷവും ഉണ്ടാവില്ല. ഇപ്പോഴാണെങ്കില് കലിയുഗീ ലോകത്തോട് വൈരാഗ്യവും സത്യയുഗീ പുതിയ ലോകത്തോട് വളരെയധികം സ്നേഹവുമുണ്ടാവണം. ശിവബാബയെ ഓര്മ്മയുണ്ടെങ്കില് സ്വര്ഗ്ഗത്തിന്റെയും ഓര്മ്മയുണ്ടാകും. സ്വര്ഗ്ഗത്തിന്റെ സമ്പത്ത് ഓര്മ്മയുണ്ടെങ്കില് ശിവബാബയുടെയും ഓര്മ്മയുണ്ടാകും. നിങ്ങള് കുട്ടികള്ക്കറിയാം നമ്മള് സ്വര്ഗ്ഗത്തിന്റെ നേര്ക്ക് പോയ്കൊണ്ടിരിക്കുകയാണ്, കാല് നരകത്തിന് നേരെയാണ്, ശിരസ്സ് സ്വര്ഗ്ഗത്തിന് നേരെയും. ഇപ്പോഴാണെങ്കില് ചെറിയവരുടെയും വലിയവരുടെയും വാനപ്രസ്ഥ അവസ്ഥയാണ്. ബാബയ്ക്ക് സദാ ഈ ലഹരിയുണ്ട് ആഹാ! ഞാന് പോയി ഈ ബാലകൃഷ്ണനായി മാറും, ഏതിന് വേണ്ടിയാണോ മുന്കൂറായി സമ്മാനങ്ങള് അയച്ചുകൊണ്ടിരിക്കുന്നത്. ആര്ക്കാണോ പൂര്ണ്ണമായ നിശ്ചയമുള്ളത് അതേ ഗോപികമാരാണ് സമ്മാനങ്ങള് അയക്കുന്നത്, അവര്ക്ക് അതീന്ദ്രിയ സുഖത്തിന്റെ അനുഭൂതിയുണ്ടാകുന്നു. നമ്മള് തന്നെയാണ് അമരലോകത്തില് ദേവതയായി മാറുക. കല്പം മുമ്പും നമ്മള് തന്നെയാണ് ആയിരുന്നത് പിന്നീട് നമ്മള് 84 പുനര്ജന്മങ്ങളെടുക്കുന്നു. ഈ കുട്ടിക്കരണം മറിയല് ഓര്മ്മയുണ്ടാവുകയാണെങ്കില് പോലും അഹോ സൗഭാഗ്യം – സദാ അളവറ്റ സന്തോഷത്തിലിരിക്കൂ, വളരെ വലിയ ലോട്ടറിയാണ് ലഭിച്ചുകൊണ്ടിരിക്കുന്നത്. 5000 വര്ഷത്തിനു മുമ്പും നമ്മള് രാജ്യഭാഗ്യം നേടിയിരുന്നു വീണ്ടും നാളെ നേടും. ഡ്രാമയില് അടങ്ങിയിട്ടുള്ളതാണ്. എങ്ങനെയാണോ കല്പം മുമ്പ് ജന്മമെടുത്തിരുന്നത് അതുപോലെയേ എടുക്കൂ, അവരേ നമ്മുടെ അച്ഛനും അമ്മയുമാകൂ. ആരാണോ കൃഷ്ണന്റെ അച്ഛനായിരുന്നത് അവര് വീണ്ടും ആകും. ഇങ്ങനെയിങ്ങനെ മുഴുവന് ദിവസവും ചിന്തിച്ചുകൊണ്ടിരിക്കുകയാണെങ്കില് അത് വളരെ സുഖകരമായിരിക്കും. വിചാര സാഗാര മഥനം ചെയ്യുന്നില്ലായെങ്കില് അനാരോഗ്യരായി മാറുന്നു. പശു ഭോജനം കഴിച്ചശേഷം പിന്നെ മുഴുവന് ദിവസവും അയവിറക്കി കൊണ്ടിരിക്കുന്നു, മുഖം ചലിച്ചുകൊണ്ടേയിരിക്കുന്നു. മുഖം ചലിക്കുന്നില്ലായെങ്കില് അസുഖമുണ്ടെന്ന് മനസ്സിലാക്കാന് പറ്റും, ഇതും അങ്ങനെയാണ്. പരിധിയില്ലാത്ത ബാബയ്ക്കും ദാദയ്ക്കും രണ്ടു പേര്ക്കും മധുര-മധുരമായ കുട്ടികളോട് വളരെ സ്നേഹമാണ്, എത്ര സ്നേഹത്തോടെയാണ് പഠിപ്പിക്കുന്നത്. കറുപ്പില് നിന്ന് വെളുപ്പാക്കി മാറ്റുന്നു. അതിനാല് കുട്ടികള്ക്കും സന്തോഷത്തിന്റെ അളവ് വര്ദ്ധിക്കണം. അളവ് വര്ദ്ധിക്കുന്നത് ഓര്മ്മയുടെ യാത്രയിലൂടെയാണ്. ബാബ കല്പ-കല്പം വളരെ സ്നേഹത്തോടെ ലൗലീ സേവനം ചെയ്യുന്നു. 5 തത്വ സഹിതം എല്ലാവരെയും പാവനമാക്കി മാറ്റുന്നു. എത്ര വലിയ പരിധിയില്ലാത്ത സേവനമാണ്. ബാബ വളരെ സ്നേഹത്തോടെ കുട്ടികള്ക്ക് പഠിപ്പും നല്കികൊണ്ടിരിക്കുന്നു എന്തുകൊണ്ടെന്നാല് കുട്ടികളെ നന്നാക്കേണ്ടത് അച്ഛന്റെ അഥവാ ടീച്ചറുടെ തന്നെ ജോലിയാണ്. ബാബയുടെ ശ്രീമതമാണ്, അതിലൂടെ തന്നെയാണ് ശ്രേഷ്ഠരായി മാറുക. എത്ര സ്നേഹത്തോടെ ഓര്മ്മിക്കുന്നുവോ അത്രയും ശ്രേഷ്ഠരായി മാറും. ഇതും ചാര്ട്ടില് എഴുതണം നമ്മള് ശ്രീമതത്തിലൂടെയാണോ നടക്കുന്നത് അതോ തന്റെ മതത്തിലൂടെയാണോ നടക്കുന്നത്? ശ്രീമതത്തിലൂടെ നടക്കുകയാണെങ്കില് മാത്രമേ നിങ്ങള് കൃത്യതയുള്ളവരായി മാറൂ. ശരി.

വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുര മധുരമായ കുട്ടികളെ പ്രതി മാതാവും പിതാവുമായ ബാപ്ദാദയുടെ സ്നേഹസ്മരണയും പുലര്കാല വന്ദനവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്കാരം.