11 April 2022 KANNADA Murli Today | Brahma Kumaris

ಓಂ ಶಾಂತಿ. ಪ್ರದರ್ಶನಿಗಾಗಿ ಈ ಗೀತೆ ಬಹಳ ಚೆನ್ನಾಗಿದೆ, ಆದರೆ ಪ್ರದರ್ಶನದಲ್ಲಿ ಇಂತಹ ಹಾಡುಗಳನ್ನು ಹಾಕುವುದಿಲ್ಲ. ಎಲ್ಲರೂ ಭಗವಂತನನ್ನು ಕರೆಯುವ ಕಾರಣ ನೀವು ತಿಳಿಸಿಕೊಡಬಹುದು. ಎಲ್ಲಿಗೆ ಹೋಗಬೇಕು, ಯಾರು ಕರೆದೊಯ್ಯುತ್ತಾರೆಂದು ತಿಳಿದುಕೊಂಡಿಲ್ಲ. ಈ ರೀತಿ ನಾಟಕ ಅಥವಾ ಪಾತ್ರಕ್ಕೆ ಅನುಗುಣವಾಗಿ ಭಕ್ತರು ಭಕ್ತಿಯನ್ನು ಮಾಡಬೇಕಾಗುತ್ತದೆ. ಆದರೆ ಭಕ್ತಿ ಪೂರ್ಣಗೊಂಡಾಗ ತಂದೆಯು ಬರುತ್ತಾರೆ. ಭಕ್ತಿಯಲ್ಲಿ ಎಷ್ಟೊಂದು ಅಲೆಯಬೇಕಾಗುತ್ತದೆ. ಮೇಳ, ಮೊದಲಾದವುಗಳು ನಡೆಯುತ್ತಿದ್ದು ದಿನ-ಪ್ರತಿದಿನ ವೃದ್ಧಿಯಾಗುತ್ತಿರುತ್ತವೆ, ಶ್ರದ್ಧೆಯಿಂದ ತೀರ್ಥ ಯಾತ್ರೆಯಲ್ಲಿ ಹೋಗಿ ಅಲೆದಾಡುತ್ತಿರುತ್ತಾರೆ. ಬಹಳ ಸಮಯ ಆಗುವುದರಿಂದ ಸರ್ಕಾರವು ಸ್ಟಾಂಪ್ ಮೊದಲಾದವುಗಳನ್ನು ಮಾಡುತ್ತದೆ. ಸಾಧು ಮೊದಲಾದವರ ಸ್ಟಾಂಪ್ ಮಾಡುತ್ತಾರೆ, ಜನ್ಮ ದಿನವನ್ನೂ ಸಹ ಆಚರಿಸುತ್ತಾರೆ. ಇದೆಲ್ಲವೂ ರಾವಣ ರಾಜ್ಯದ ಅಥವಾ ಮಾಯೆಯ ಆಡಂಭರವಾಗಿದೆ. ಆದುದರಿಂದ ಈ ಮೇಳ ಮುಂತಾದವುಗಳು ಅವರಿಗೆ ಬೇಕಾಗುತ್ತದೆ. ಅರ್ಧ ಕಲ್ಪದಿಂದ ನೀವು ರಾವಣ ರಾಜ್ಯದಲ್ಲಿ ಅಲೆದಾಡಬೇಕಾಯಿತು. ಈಗ ತಂದೆ ಬಂದು ರಾವಣ ರಾಜ್ಯದಿಂದ ಬಿಡಿಸಿ ರಾಮ ರಾಜ್ಯಕ್ಕೆ ಕರೆದೊಯ್ಯುತ್ತಾರೆ. ನೀವೇ ಪೂಜ್ಯರು, ನೀವೇ ಪೂಜಾರಿಗಳೆಂಬ ಅರ್ಥವನ್ನು ಪ್ರಪಂಚದವರು ತಿಳಿದುಕೊಂಡಿಲ್ಲ. ಮೊದಲು 16 ಕಲಾ ಸಂಪೂರ್ಣರು ಪೂಜ್ಯರಾಗಿ ನಂತರ ಎರಡು ಕಲೆ ಕಡಿಮೆಯಾದ ಮೇಲೆ ಅರ್ಧ ಪೂಜ್ಯರೆಂದು ಹೇಳಲಾಗುತ್ತದೆ. ಪೂಜಾರಿಗಳಿಂದ ಪೂಜ್ಯರಾಗುತ್ತಿದ್ದೇವೆಂದು ನೀವು ತಿಳಿದುಕೊಂಡಿದ್ದೀರಿ. ಈಗ ಈ ಕಲಿಯುಗದ ಅಂತ್ಯದಲ್ಲಿ ನಮ್ಮ ಪೂಜಾರಿತನದ ಪಾತ್ರವು ಸಮಾಪ್ತಿಯಾಗುತ್ತದೆ ನಂತರ ಪೂಜ್ಯರನ್ನಾಗಿ ಮಾಡಲು ತಂದೆಯು ಬರಬೇಕಾಗುತ್ತದೆ. ಈಗ ತಂದೆಯು ನಮ್ಮನ್ನು ವಿಶ್ವದ ಮಾಲೀಕರನ್ನಾಗಿ ಮಾಡುತ್ತಾರೆ. ವಿಶ್ವವೆಂದರೆ ಅದೂ ಸಹ ವಿಶ್ವವಾಗಿದೆ, ಇದೂ ಸಹ ವಿಶ್ವವಾಗಿದೆ. ಅಲ್ಲಿ ಮನುಷ್ಯರು ಬಹಳ ಕಡಿಮೆ ಇರುತ್ತಾರೆ ಏಕೆಂದರೆ ಅಲ್ಲಿ ಒಂದೇ ಧರ್ಮವಿರುತ್ತದೆ. ಆದರೆ ಇಲ್ಲಿ ಅನೇಕ ಧರ್ಮವಿರುವ ಕಾರಣ ಜಗಳವಾಗುತ್ತಿರುತ್ತದೆ.

ಈಗ ತಂದೆಯು ಯೋಗ್ಯರನ್ನಾಗಿ ಮಾಡಲು ಬಂದಿದ್ದಾರೆ. ತಂದೆಯನ್ನು ಎಷ್ಟು ನೆನಪು ಮಾಡುತ್ತೀರೋ ಅಷ್ಟು ತಮ್ಮ ಕಲ್ಯಾಣವನ್ನೂ ಮಾಡಿಕೊಳ್ಳುತ್ತೀರಿ. ಕಲ್ಯಾಣ ಮಾಡಿಕೊಳ್ಳುವ ಇಚ್ಛೆ ಎಷ್ಟಿದೆಯೆಂದು ನೋಡಿಕೊಳ್ಳಬೇಕು. ಹೀಗೆ ಕಲಾಕಾರನಿಗೆ ತನ್ನ ಕಲೆಯು ಮನುಷ್ಯರಿಗೆ ತಿಳಿಯುವಂತೆ ಹೇಗೆ ಮಾಡುವುದು ಎಂಬ ಯೋಚನೆಯಿರುತ್ತದೆ. ನಾವು ಬೇಹದ್ದಿನ ತಂದೆಯ ಸೇವೆ ಮಾಡುತ್ತಿದ್ದೇವೆಂದು ತಿಳಿದುಕೊಳ್ಳುತ್ತಾರೆ. ಭಾರತವನ್ನು ಸ್ವರ್ಗ ಮಾಡಬೇಕು. ನೋಡಿ..! ಪ್ರದರ್ಶನದಲ್ಲಿ ಎಷ್ಟೊಂದು ಜನ ಬರುತ್ತಾರೆ. ಮನುಷ್ಯರಿಗೆ ಸರಿಯಾದ ಮಾರ್ಗ ತೋರಿಸುವಂತಹ ಪ್ರದರ್ಶನ ಚಿತ್ರಗಳನ್ನು ಮಾಡಬೇಕು. ಜಾತ್ರೆ ಮೊದಲಾದವುಗಳು ಚಿತ್ರಗಳ ಹೋಲಿಕೆಯಲ್ಲಿ ಬಹಳ ಕಡಿಮೆಯಿದೆ. ಯಾವ ಚಿತ್ರಕಲಾಕಾರರು ಈ ಜ್ಞಾನವನ್ನು ತಿಳಿದುಕೊಳ್ಳುತ್ತಾರೆ, ಅವರಿಗೆ ಮನುಷ್ಯರ ಕಲ್ಯಾಣವಾಗುವ ಚಿತ್ರಗಳನ್ನು ಮಾಡಬೇಕೆಂಬ ಯೋಚನೆಯಿರುತ್ತದೆ. ಹಗಲು-ರಾತ್ರಿ ಬುದ್ಧಿಯು ಇದೇ ಮಾತಿನಲ್ಲಿ ತೊಡಗಿರಬೇಕು. ಇಂತಹ ವಸ್ತುಗಳ ಬಗ್ಗೆ ಬಹಳ ಆಸಕ್ತಿ ಇರಬೇಕು ಏಕೆಂದರೆ ಮೃತ್ಯು ಅಕಸ್ಮಾತಾಗಿ ಬರುತ್ತದೆ, ಒಂದುವೇಳೆ ತಮ್ಮ ಚಪ್ಪಲಿ ಮೊದಲಾದವುಗಳ ನೆನಪು ಬಂದರೆ ಸತ್ತ ಮೇಲೆ ಅಂತಹ ಜನ್ಮ ಸಿಗುತ್ತದೆ. ತಂದೆ ಇಲ್ಲಿ ದೇಹ ಸಹಿತ ಎಲ್ಲವನ್ನು ಮರೆಯಬೇಕೆಂದು ಹೇಳುತ್ತಾರೆ. ತಂದೆಯು ಯಾರು ಎಂಬುದನ್ನು ನೀವು ತಿಳಿದುಕೊಂಡಿದ್ದೀರಿ. ಯಾರನ್ನಾದರೂ ಆತ್ಮಗಳ ತಂದೆ ಯಾರು ಎಂಬುವುದನ್ನು ತಿಳಿದುಕೊಂಡಿದ್ದೀರಾ? ಎಂದು ಕೇಳಬೇಕು. ಆಗ ಅವರು ತಿಳಿದುಕೊಂಡಿಲ್ಲ ಎಂದು ಹೇಳುತ್ತಾರೆ. ಪರಮಾತ್ಮನನ್ನು ಎಷ್ಟೊಂದು ನೆನಪು ಮಾಡುತ್ತಾ ಬೇಡುತ್ತಾರೆ. ಒಂದುವೇಳೆ ದೇವಿಯ ಪೂಜೆ ಮಾಡಿ ಏನೇ ಪ್ರಾಪ್ತಿಯಾಯಿತೆಂದರೆ ದೇವಿಗೆ ಅರ್ಪಣೆ ಆಗುತ್ತಾರೆ ನಂತರ ಆ ಪೂಜಾರಿಯ ಹಿಂದೆ ಹೋಗಿ ಆಶೀರ್ವಾದ ಮೊದಲಾದವುಗಳನ್ನು ಮಾಡಿಸಿಕೊಳ್ಳುತ್ತಾರೆ. ಇದು ಎಷ್ಟೊಂದು ಅಂಧಶ್ರದ್ದೆಯಾಗಿದೆ. ಇಂತಹ ಹಾಡುಗಳ ಅರ್ಥವನ್ನು ಪ್ರದರ್ಶನದಲ್ಲಿ ತಿಳಿಸಿಕೊಡಬೇಕು. ಈ ಪ್ರದರ್ಶನ ಹಳ್ಳಿ-ಹಳ್ಳಿಗೂ ಹೋಗುತ್ತದೆ. ತಂದೆ ಬಡವರ ಬಂಧು ಆಗಿದ್ದಾರೆ. ಅವರನ್ನು ಬಹಳ ಶ್ರಮದಿಂದ ಶ್ರೀಮಂತರನ್ನಾಗಿ ಮಾಡಬೇಕು. ಶ್ರೀಮಂತರು ಕೋಟಿಯಲ್ಲಿ ಕೆಲವರು ಮಾತ್ರ ಬರುತ್ತಾರೆ. ಇಲ್ಲಿ ಮನುಷ್ಯರಿಂದ ದೇವತೆಗಳಾಗಬೇಕು. ಈ ಸಮಯದ ಮನುಷ್ಯರು ಎಷ್ಟೊಂದು ಕಲ್ಲು ಬುದ್ಧಿಯವರಾಗಿದ್ದಾರೆ. ಸೇವಾಕೇಂದ್ರಕ್ಕೆ ಬರುತ್ತಾ ಎಲ್ಲವನ್ನು ನೋಡುತ್ತಾ ನಿಶ್ಚಯವಿರುತ್ತದೆ! ಇವರು ತಂದೆ ಆದರೆ ಅವರೇ ಶಿಕ್ಷಕನಾಗಿದ್ದಾರೆ ಎಂಬ ಮಾತನ್ನು ತಿಳಿದುಕೊಳ್ಳುವುದಿಲ್ಲ.

ಈ ಪಾಪದ ಪ್ರಪಂಚದಿಂದ…… ಎಂಬ ಒಂದು ಹಾಡು ಬಹಳ ಚೆನ್ನಾಗಿದೆ ಏಕೆಂದರೆ ಇದು ಪಾಪದ ಪ್ರಪಂಚವೇ ಆಗಿದೆ. ಭಗವಾನುವಾಚ: ಇದು ಆಸುರಿ ಸಂಪ್ರದಾಯವಾಗಿದೆ, ನಾನು ಇದನ್ನು ದೈವೀ ಸಂಪ್ರದಾಯವನ್ನಾಗಿ ಮಾಡುತ್ತೇನೆ. ಮತ್ತೆ ಮನುಷ್ಯರ ಸಂಗಗಳು ಈ ಕರ್ತವ್ಯವನ್ನು ಹೇಗೆ ಮಾಡಲು ಸಾಧ್ಯವಾಗುತ್ತದೆ. ಇದು ಸಂಪೂರ್ಣವಾಗಿ ಬುದ್ಧಿಯ ಮಾತಾಗಿದೆ. ನೀವು ಪತಿತರಾಗಿದ್ದೀರಿ. ನಾನು ನಿಮ್ಮನ್ನು ಭವಿಷ್ಯಕ್ಕಾಗಿ ಪಾವನ ದೇವತೆಗಳನ್ನಾಗಿ ಮಾಡುತ್ತೇನೆಂದು ಹೇಳುತ್ತಾರೆ. ಈ ಸಮಯದಲ್ಲಿ ಎಲ್ಲರೂ ಪತಿತರಾಗಿದ್ದಾರೆ. ಪತಿತವೆಂಬ ಅಕ್ಷರವು ವಿಕಾರಕ್ಕೆ ಸಂಬಂಧಿಸಿದೆ. ಸತ್ಯಯುಗವು ನಿರ್ವಿಕಾರಿ ಪ್ರಪಂಚವಾಗಿತ್ತು. ಇದು ವಿಕಾರಿ ಪ್ರಪಂಚವಾಗಿದೆ. ಕೃಷ್ಣನಿಗೆ 16108 ರಾಣಿಯರನ್ನು ತೋರಿಸುತ್ತಾರೆ. ಇದೂ ಸಹ ನಾಟಕದಲ್ಲಿ ನಿಗದಿಯಾಗಿದೆ. ಯಾವ ಶಾಸ್ತ್ರಗಳನ್ನು ಮಾಡಿದ್ದಾರೆ, ಅವುಗಳಲ್ಲಿ ನಿಂದನೆ ಮಾಡಿದ್ದಾರೆ. ತಂದೆ ಮಾಡುವಂತಹ ಸ್ವರ್ಗವನ್ನು ಕುರಿತೂ ಸಹ ಏನೇನೋ ಹೇಳಿಬಿಟ್ಟಿದ್ದಾರೆ. ತಂದೆ ನಮ್ಮನ್ನು ಶ್ರೇಷ್ಠರನ್ನಾಗಿ ಮಾಡುತ್ತಿದ್ದಾರೆಂದು ನೀವು ತಿಳಿದುಕೊಂಡಿದ್ದೀರಿ. ತಂದೆ ಎಷ್ಟೊಂದು ಉತ್ತಮವಾದ ಶಿಕ್ಷಣವನ್ನು ಕೊಡುತ್ತಾರೆ. ಇದು ಸತ್ಯ-ಸತ್ಯವಾದ ಸತ್ಸಂಗವಾಗಿದೆ. ಉಳಿದೆಲ್ಲವು ಅಸತ್ಯ ಸಂಗಗಳಾಗಿವೆ. ಇಂತಹವರನ್ನು ಮತ್ತೆ ಪರಮಪಿತ ಪರಮಾತ್ಮ ಬಂದು ವಿಶ್ವದ ಮಾಲೀಕರನ್ನಾಗಿ ಮಾಡುತ್ತಾರೆ. ಮಕ್ಕಳೇ ನೀವು ಈಗ ಕುರುಡರಿಗೆ ಊರುಗೋಲಾಗಬೇಕೆಂದು ತಂದೆ ತಿಳಿಸುತ್ತಾರೆ. ಸ್ವಯಂ ಯಾರು ಸತ್ಯವಾಗಿರುವುದಿಲ್ಲ, ಅವರು ಅನ್ಯರಿಗೆ ಹೇಗೆ ಊರುಗೋಲಾಗುತ್ತಾರೆ! ಅವರು ಕೇಳಿರುವ ಜ್ಞಾನ ನಾಶವಾಗದಿರಬಹುದು, ಒಮ್ಮೆ ತಾಯಿ, ತಂದೆ ಎಂದು ಹೇಳಿರುವ ಕಾರಣ ಅವರಿಗೆ ಅಲ್ಪ-ಸ್ವಲ್ಪ ಪ್ರಾಪ್ತಿಯಾಗುತ್ತದೆ. ಆದರೆ ನಂಬರ್ವಾರ್ ಪದವಿ ಇದೆಯಲ್ಲವೇ? ಅವರ ನಡವಳಿಕೆಯಿಂದ ಅವರು ಏನಾಗಬಹುದೆಂದು ತಿಳಿದುಕೊಳ್ಳಬಹುದು. ಆದರೂ ಸಹ ತಂದೆ ಮತ್ತೆ ಪುರುಷಾರ್ಥ ಮಾಡಿಸುತ್ತಾರೆ. ಸಿಗುವಷ್ಟೆ ಸಾಕು ಎಂದು ಹೇಳಬಾರದು. ಪುರುಷಾರ್ಥದಿಂದ ಮಾತ್ರ ಶ್ರೇಷ್ಠ ಪ್ರಾಲಬ್ಧವು ಪ್ರಾಪ್ತಿಯಾಗುತ್ತದೆ. ಪುರುಷಾರ್ಥ ಮಾಡದೆ ನೀರೂ ಸಹ ಸಿಗುವುದಿಲ್ಲ, ಇದನ್ನು ಕರ್ಮ ಕ್ಷೇತ್ರವೆಂದು ಹೇಳಲಾಗುತ್ತದೆ. ಆದುದರಿಂದ ಮನುಷ್ಯರು ಕರ್ಮ ಮಾಡದೆ ಇರಲು ಸಾಧ್ಯವಿಲ್ಲ ಏಕೆಂದರೆ ಕರ್ಮ ಸನ್ಯಾಸವೆಂಬ ಅಕ್ಷರ ತಪ್ಪಾಗಿದೆ. ಅಂತಹವರು ಬಹಳ ಹಠ ಮಾಡುತ್ತಾರೆ. ಹಠದಿಂದ ನೀರಿನ ಮೇಲೆ ಹಾಗೂ ಬೆಂಕಿಯ ಮೇಲೆ ನಡೆಯುತ್ತಾರೆ ಆದರೆ ಇದರಿಂದ ಏನೂ ಲಾಭವಿಲ್ಲ. ವ್ಯರ್ಥವಾಗಿ ತಮ್ಮ ಆಯಸ್ಸನ್ನು ವ್ಯರ್ಥ ಮಾಡಿಕೊಳುತ್ತಾರೆ. ರಾವಣನ ಬಂಧನದಿಂದ ಬಿಡುಗಡೆಯಾಗುವ ಸಲುವಾಗಿ ಭಕ್ತಿಯನ್ನು ಮಾಡುತ್ತಾರೆ. ಬಿಡುಗಡೆಯಾಗಿ ಮತ್ತೆ ಹಿಂತಿರುಗಿ ಮನೆಗೆ ಹೋಗಬೇಕು ಆದುದರಿಂದ ಎಲ್ಲರೂ ಮುಕ್ತಿ ಅಥವಾ ಸುಖಧಾಮದಲ್ಲಿ ಕರೆದುಕೊಂಡು ಹೋಗು ಎಂದು ನೆನಪು ಮಾಡುತ್ತಾರೆ. ಭಾರತ ಸುಖಧಾಮವಾಗಿತ್ತು, ಈಗ ನರಕವಿರುವ ಕಾರಣ ನರಕವಾಸಿಗಳೆಂದು ಹೇಳಲಾಗುತ್ತದೆಯಲ್ಲವೇ! ಇಂತಹವರು ಸ್ವರ್ಗವಾಸಿಯಾದರೆಂದು ಹೇಳುತ್ತಾರೆ, ಹಾಗಾದರೆ ನೀವು ನರಕದಲ್ಲೀದ್ದೀರೆಂದು ಹೇಳಬಹುದಲ್ಲವೇ? ಏಕೆಂದರೆ ಸ್ವರ್ಗಕ್ಕೆ ವಿರುದ್ಧ ನರಕವಾಗಿದೆ. ಅದು ಶಾಂತಿಧಾಮವಾಗಿದೆ. ದೊಡ್ಡ ದೊಡ್ಡ ಮನುಷ್ಯರೂ ಸಹ ಇಷ್ಟೊಂದು ತಿಳಿದುಕೊಳ್ಳುವುದಿಲ್ಲ. ತಮ್ಮನ್ನು ತಾವೇ ನರಕದಲ್ಲಿ ಇದ್ದೇವೆಂದು ಸಿದ್ಧ ಮಾಡುತ್ತಾರೆ. ಇದನ್ನು ಬಹಳ ಯುಕ್ತಿಯಿಂದ ಸಿದ್ಧ ಮಾಡಿ ತೋರಿಸಬೇಕು. ಈ ಪ್ರದರ್ಶನವಂತು ಬಹಳ ಕೆಲಸವನ್ನು ಮಾಡಿ ತೋರಿಸುತ್ತದೆ. ಈ ಸಮಯದಲ್ಲಿ ಮನುಷ್ಯರು ಎಷ್ಟೊಂದು ಪಾಪ ಮಾಡುತ್ತಾರೆ, ಆದರೆ ಸ್ವರ್ಗದಲ್ಲಿ ಇಂತಹ ಮಾತುಗಳು ಇರುವುದಿಲ್ಲ. ಅಲ್ಲಿ ಪ್ರಾಲಬ್ಧವಿರುತ್ತದೆ. ಈಗ ಮತ್ತೆ ನೀವು ಸ್ವರ್ಗದಲ್ಲಿ ಹೋಗುತ್ತೀರಿ, ನಾವು ಅನೇಕ ಸಲ ವಿಶ್ವದ ಮಾಲೀಕರಾಗಿದ್ದೇವು. ಈಗಲೂ ಆಗುತ್ತಿದ್ದೇವೆಂದು ನೀವು ಹೇಳುತ್ತೀರಿ. ಆದರೆ ಇದು ಪ್ರಪಂಚದಲ್ಲಿ ಯಾರಿಗೂ ಗೊತ್ತಿಲ್ಲ. ನಿಮ್ಮಲ್ಲಿಯೂ ಸಹ ಕೆಲವರು ಮಾತ್ರ ತಿಳಿದುಕೊಳ್ಳುತ್ತಾರೆ. ಈ ಆಟದಿಂದ ಯಾರೂ ಬಿಡುಗಡೆಯಾಗಲು ಸಾಧ್ಯವಿಲ್ಲ. ಯಾವಾಗ ದುಃಖವಾಗುತ್ತದೆ ಆಗ ಮನುಷ್ಯರು ಮೋಕ್ಷವನ್ನು ಬಯಸುತ್ತಾರೆ. ಆದರೆ ತಂದೆ ಹೇಳುತ್ತಾರೆ ಚೆನ್ನಾಗಿ ಪುರುಷಾರ್ಥ ಮಾಡಿ ತಾಯಿ ತಂದೆಯನ್ನು ಅನುಸರಿಸಿ ಉತ್ತಮ ಪದವಿಯನ್ನು ಪ್ರಾಪ್ತಿ ಮಾಡಿಕೊಳ್ಳಿ. ತಮ್ಮ ನಡವಳಿಕೆಯನ್ನು ಸುಧಾರಣೆ ಮಾಡಿಕೊಳ್ಳಿ. ತಂದೆ ಮಾರ್ಗದರ್ಶನವಂತು ನೀಡುತ್ತಾರೆ. ನೀವು ಅದರಂತೆ ಏಕೆ ನಡೆಯುವುದಿಲ್ಲ? ಬಹಳ ಇಚ್ಚೆಗಳನ್ನು ಇಟ್ಟುಕೊಳ್ಳಬಾರದು. ಯಜ್ಞದಲ್ಲಿ ಸಿಗುವಂತದ್ದನ್ನು ಸ್ವೀಕರಿಸಬೇಕು. ಲೋಭವೂ ಇರಬಾರದು. ಕರ್ಮೇಂದ್ರಿಯಗಳು ತಮ್ಮ ವಶದಲ್ಲಿ ಇಲ್ಲದಿದ್ದರೆ ಶ್ರೇಷ್ಠ ಪದವಿಯನ್ನು ತೆಗೆದುಕೊಳ್ಳುವುದಿಲ್ಲ. ಇಂತಹ ಹಾಡುಗಳನ್ನು ಪ್ರದರ್ಶನದಲ್ಲಿ ಪ್ರಸಾರ ಮಾಡಿ ಅದರ ಅರ್ಥವನ್ನು ತಿಳಿಸಬಹುದು.

ಶಿವ ತಂದೆಯ ಪರಿವಾರ ನಿಮ್ಮದಾಗಿದೆ. ಶಿವ ತಂದೆಗಿಂತ ಶ್ರೇಷ್ಠರು ಬೇರೆ ಯಾರೂ ಇಲ್ಲ ಹಾಗೂ ಎಲ್ಲರಗಿಂತ ಶ್ರೇಷ್ಠ ಯಾರದರು ಇರುತ್ತಾರೆ. ದಾದಾರವರ 84 ಜನ್ಮಗಳಲ್ಲಿ, ತಂದೆಯು 84 ನೇ ಜನ್ಮದಲ್ಲಿ ಸಿಗುತ್ತಾರೆ. ಶಿವ ತಂದೆ ರಚಯಿತನಾಗಿದ್ದು ಈಗ ಹೊಸ ರಚನೆಯನ್ನು ರಚಿಸುತ್ತಿದ್ದಾರೆ ಅರ್ಥಾತ್ ಹಳೆಯ ರಚನೆಯನ್ನು ಹೊಸ ರಚನೆಯಾಗಿ ಮಾಡುತ್ತಿದ್ದಾರೆ. ನಾವು ಪಾವನರಿಂದ ಪತಿತರಾಗಿದ್ದೇವೆ. ಸ್ವರ್ಗದಲ್ಲಿ ಶ್ರೀಕೃಷ್ಣ ಮೊದಲನೇ ಸ್ಥಾನದಲ್ಲಿ ಇದ್ದಾನೆಂದು ನೀವು ತಿಳಿದುಕೊಂಡಿದ್ದೀರಿ. ಪುನಃ ಅಂತ್ಯದಲ್ಲಿ ಇದು ಅವರ ಜನ್ಮವಾಗಿದೆ, ಮತ್ತೆ ಅವರು ಮೊದಲನೆಯ ಸ್ಥಾನವನ್ನು ತೆಗೆದುಕೊಳ್ಳುತ್ತಾರೆ. ಪೂರ್ತಿಯಾಗಿ 84 ಜನ್ಮಗಳನ್ನು ಶ್ರೀಕೃಷ್ಣ ತೆಗೆದುಕೊಂಡಿದ್ದಾನೆ. ಸೂರ್ಯವಂಶಿ ದೈವೀ ಸಂಪ್ರದಾಯದವರು ಪೂರ್ತಿ 84 ಜನ್ಮಗಳನ್ನು ತೆಗೆದುಕೊಳ್ಳುತ್ತಾರೆ. ಯಾವ ಶ್ರೀಕೃಷ್ಣ ಮೊದಲನೇ ಸ್ಥಾನದಲ್ಲಿ ಇದ್ದನು, ತಂದೆಯು ಅವರ ಅನೇಕ ಜನ್ಮಗಳ ಅಂತಿಮ ಜನ್ಮದಲ್ಲಿ ಪ್ರವೇಶ ಮಾಡಿ ಮತ್ತೆ ಅವರನ್ನು ಶ್ರೀಕೃಷ್ಣನನ್ನಾಗಿ ಮಾಡುತ್ತೇನೆಂದು ತಂದೆ ಹೇಳುತ್ತಾರೆ. ಒಳ್ಳೆಯದು.

ಮಧುರಾತಿ ಮಧುರ ಅಗಲಿ ಹೋಗಿ ಮರಳಿ ಸಿಕ್ಕಿರುವ ಮಕ್ಕಳ ಪ್ರತಿ ಮಾತಾಪಿತಾ ಬಾಪ್ದಾದಾರವರ ನೆನಪು, ಪ್ರೀತಿ ಹಾಗೂ ಸುಪ್ರಭಾತ. ಆತ್ಮಿಕ ಮಕ್ಕಳಿಗೆ ಆತ್ಮಿಕ ತಂದೆಯ ನಮಸ್ತೆ.